TDSHU talaba va xodimlari salomatligini qo‘llab-quvvatlashni kengaytirmoqda
Toshkent davlat sharqshunoslik universiteti talabalar hamda professor o‘qituvchi xodimlarning sog‘lig‘ini mustahkamlash va saqlash, ularga sog‘lom turmush tarzi tamoyillarini joriy etishda yaqindan yordam berish, talaba va o’qituvchi xodimlar o’rtasida tibbiy madaniyatni rivojlantirish masalalarida Mirobod tumani hududiy tibbiyot birlashmasi bilan faol hamkorlik qiladi. Faol hamkorlik natijasi o‘laroq, so‘nggi yillarda TDSHUda o‘quvchi talaba yoshlar hamda professor o’qituvchilar, xodimlarning tibbiy axborot statistikasi tashkil etilib, ushbu axborot statistikasi yordamida sog‘lom turmush tarzini mustahkamlashning, kasalliklar profilaktikasining aniq tamoyillari va mexanizmlari belgilab olindi, tibbiy madaniyatni rivojlantirish tadbirlari ishlab chiqilib hayotga joriy etildi, shu bilan birga jismoniy tarbiya va sog‘lomlashtirish chora-tadbirlari, ommaviy sport harakatining profilaktik tibbiyot bilan integratsiyasini ta’minlashga chuqur e’tibor qaratildi. Shu bilan bir qatorda, universitet Sog‘liqni saqlash vazirligi bilan hamkorlikda barcha qulayliklarga ega bo’lgan “Ona va bola” tibbiy xonalari, “Salomatlik” markazi, “Oriental” psixologik xizmat ko’rsatish markazi, jinsiy va reproduktiv xizmatlari markazi tashkil etilgan bo’lib, talaba yoshlar hamda ishchi xodimlarning manfaatlarini ko’zlagan holda bugungi kunga qadar aktiv faoliyat olib bormoqda. Shuningdek, universitet yoshlari Toshkent davlat tibbiyot akademiyasi va boshqa sog’liqni saqlash idora va muassasalari tomonidan tashkil etiladigan turli sport musobaqalari hamda tadbirlarida faol ishtirok etib kelmoqda.
Toshkent davlat sharqshunoslik universiteti talabalar hamda professor o‘qituvchi xodimlarning sog‘lig‘ini mustahkamlash va saqlash, salomatlik va farovonlik natijalarini yaxshilash uchun mahalliy va milliy sog‘liqni saqlash muassasalari bilan hamkorlikda 1 yilda 2 marotaba tibbiy ko‘rikdan o‘tkaziladilar.
2023-yil 29-sentabr TDShU ning “Tarjimashunoslik va xalqaro jurnalistika” kafedrasida BMTning 17 ta Barqaror Rivojlanish Maqsadlari doirasida “BRM3 Sog‘liq va farovonlik” maqsadiga bag‘ishlangan ma’ruza bo‘lib o‘tdi. Unda I.Irgashev nomli 4-shahar klinik shifoxona va NS Medical ayollar klinikasi umumiy amaliyot shifokori va jarroh Sevara Kayumxodjayeva “Ikki narsa yo‘qotilgandan so‘ng qadrlanadi – yoshlik va sog‘liq” mavzusida davra suhbati olib bordi. Suhbat davomida, Sevara Kayumxodjayeva sog‘liqni saqlash borasida bir qator amaliy tavsiyalar berish bilan bir qatorda, talabalar va kafedra professor-o‘qituvchilarining savollariga atroflicha javob berdi. Savol-javoblar natijasida, o‘qituvchi va yoshlarning ushbu sohadagi kerakli ma’lumotlarga ega bo‘ldilar. https://tsuos.uz/en/english-a-lecture-entitled-goal-3-good-health-and-well-being/
Ijtimoiy tarmoqlar:
