«Rektor va yoshlar» uchrashuvi o’tkazildi
2025-yil 28-oktabr kuni Toshkent davlat sharqshunoslik universiteti rektori, professor Gulchehra Rixsiyeva ishtirokida talaba yoshlar bilan uchrashuv o’tkazildi.
Uchrashuvda: “Sizlarning iste’dodingiz, bilimingiz – universitetning kuchi” degan tamoyil asosida, talabalarning ilmiy-ijodiy ishlari, xalqaro loyihalarda ishtiroki, startap g’oyalari va tashabbuslarini qo‘llab-quvvatlanishi, yosh tadqiqotchilar uchun grantlar, tashqi hamkorlik va stajirovkalar imkoniyatlaridan foydalanish bo’yicha rektor Gulchehra Rixsiyeva o’z tavsiyalarini berdi. Rektor tomonidan ilgari surilgan bu kabi tashabbuslar talabalarning akademik va ijtimoiy hayotini yanada boyitishga qaratilgani bilan alohida ahamiyatli.
Shuningdek, uchrashuv davomida talabalarning taklif va mulohazalari tinglanib, mavjud muammo kamchiliklarni hal etish va sifatli ta’lim muhitini yaratish bo’yicha mas’ullarga kerakli tavsiyalar berildi.
Bu kabi uchrashuvlar universitet rahbariyati va talabalar o’rtasidagi aloqalarni yaqinlashtirish, ochiq muloqot muhitini mustahkamlashga xizmat qiladi.
Ijtimoiy tarmoqlar:
