TIL NAZARIYASI VA AMALIYOTI MARKAZI
 |
Markaz direktori | USMANOVA SHOIRA RUSTAMOVNA |
| Qabul vaqti: | Haftaning ish kunlari soat 14:00 dan 16:00 gacha | |
| Tel: | +998903481005 | |
| e-mail: | shoira_usmanova@tsuos.uz |
Markazning vazifalari
- Quyidagilar Markazning asosiy vazifalari hisoblanadi:
– Til nazariyasi va amaliyotiga oid masalalarni har tomonlama chuqur oʻrganishga yoʻnaltirilgan ilmiy tadqiqotlar olib borish hamda Oʻzbekiston Respublikasida ushbu sohani yanada rivojlantirish nuqtayi nazaridan oʻrganish;
– Til nazariyasi va amaliyoti yoʻnalishida ilmiy-pedagogik xodimlarni tayyorlash hamda mahalliy va xorijiy hamkorlar bilan birgalikda ilmiy-tadqiqot ishlarini olib borish, xususan, ilmiy loyihalar, dissertatsiyalar, monografiyalar va ilmiy maqolalar tayyorlash;
– Til nazariyasini turli xil tillar nazariyalarini qiyosiy oʻrganishga yoʻnaltirilgan ilmiy tadqiqotlar olib borish hamda uning natijalarini taʼlim jarayoniga bevosita qoʻllash orqali dunyo miqyosida targʻib etish;
– O‘zbekiston Respublikasi va xorijdagi yetakchi oliy ta’lim muassasalari va ilmiy-tadqiqot markazlari faoliyatinining tahlili asosida universitet bakalavrlik va magistrlik oʻquv rejalaridagi til nazariyasi va amaliyoti bilan bogʻliq kurslar oʻquv dasturlarining mazmun-mohiyatiga zamon ruhi singdirilgan tavsiyalar ishlab chiqish;
– Til nazariyasi va amaliyotiga oid asarlarni o‘zbek tiliga va aksincha, o‘zbek tili, o‘ztel tili nazariyasiga oid asarlarni tarjima va nashr qilish orqali milliy maktab merosini dunyoga tanitish;
– Til nazariyasi va amaliyotining rivoji, taraqqiyoti va istiqboli boʻyicha hamkor OTMlar, ilmiy-tadqiqot markazlari va xalqaro tashkilotlar bilan turli darajalarda ilmiy konferensiya, seminar va davra suhbatlari oʻtkazish;
– Ilmiy seminarlar, davra suhbatlari va turli ilmiy anjumanlar tashkil etish orqali oʻqituvchilar, ilmiy tadqiqotchilar malakasini oshirib borish;
– Respublikada ilmiy faoliyat bilan shug‘ullanayotgan o‘qituvchilar, doktorantlar va mustaqil izlanuvchilar uchun markaz qoshida “Ilmiy ish yozish asoslari” kurslarini tashkil etish;
– Markaz ishiga yurtimiz va xorijda faoliyat olib borayotgan yetakchi olimlarni jalb qilish;
– Iqtidorli talabalar, magistrantlar, doktorantlar bilan birgalikda startap, innovatsion loyihalar ishlab chiqish, OTMlar bilan hamkorlikda ilmiy seminarlar va loyihalar taqdimotlarini oʻtkazish;
– Universitetda til nazariyasi yoʻnalishida bajariladigan tadqiqot ishlarini oʻz vaqtida bajarilishini monitoring qilish va ijrosini taʼminlash.
- Markaz unga yuklatilgan vazifalarga muvofiq quyidagi funksiyalarni amalga oshiradi:
– Universitet ilmiy tadqiqot ishlari hamda markazning ish rejasidan kelib chiqib, tadqiqot ishlarini amalga oshiradi;
– Til nazariyasi va amaliyotining dolzarb masalalari boʻyicha seminarlar, davra suhbatlari, konferensiyalar tashkil etadi;
– Universitetning va Markazning tasdiqlangan rejasi asosida tadqiqot natijalarini keng jamoatchilikka yetkazish uchun tahliliy maqolalar, tahliliy maʼruzalar tayyorlaydi;
– Xorijiy mutaxassislar bilan hamkorlikda oʻquv kurslarini, oʻquv adabiyotlarini tayyorlashda ishtirok etadi;
– Universitet maqsadi va vazifalariga zid kelmaydigan boshqa tahliliy loyihalarda ishtirok etadi;
– Markaz ishini tashkil etishga universitet professor-oʻqituvchilari, talabalari, tadqiqotchilari, magistrlarini, xorijiy davlatlarning mutaxassislarini jalb etadi;
– Til nazariyasi va amaliyoti boʻyicha amalga oshiriladigan bitiruv malakaviy ishlar, magistrlik va doktorlik dissertatsiyalari va turli ilmiy tadqiqotlar, tahliliy loyihalarni kafedralar bilan hamkorlikda muvofiqlashtiradi;
– Til nazariyasi va amaliyoti boʻyicha ilmiy tadqiqotlar oʻtkazishda ilgʻor xorijiy tajribani oʻrganish va tatbiq etish yuzasidan takliflar ishlab chiqadi;
– Til nazariyasi va amaliyoti markazi huzurida 2 ta ilmiy seminarlar: “Dissertatsiya mavzusiga ariza: tadqiqot mavzusini shakllantirish, dolzarbligini asoslash, yangilik, tadqiqot manbalari, ma’lumotlar” va “Dissertatsiya tadqiqotining ilmiy natijalari taqdimoti” faoliyati yo‘lga qo‘yiladi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
