TDSHUda “Tarixiy voqeliklar va falsafiy ideallar: Fanlar o’rtasidagi dialoglar” mavzusida xalqaro ilmiy-amaliy konferensiya bo’lib o’tdi
2025-yil 20-sentabr kuni TDSHUda “Tarixiy voqeliklar va falsafiy ideallar: Fanlar o‘rtasidagi dialoglar” mavzusiga bag‘ishlangan xalqaro ilmiy-amaliy konferensiya bo‘lib o‘tdi. Mazkur anjumanda Qozog‘iston, Eron, Hindiston, Ozarbayjon, AQSh, Qirg‘iziston va Polshadan nufuzli olimlar hamda mutaxassislar ishtirok etib, tarixiy meros, falsafiy qarashlar va zamonaviy ilmiy yondashuvlar xususida o‘z ma’ruzalari bilan qatnashdilar.
Konferensiya davomida fanlararo integratsiyani rivojlantirish, ilmiy hamkorlikni kengaytirish va tajriba almashishning dolzarb masalalari muhokama qilindi. Shuningdek, tarix, falsafa, etnologiya, madaniyatshunoslik va zamonaviy tahlil texnologiyalarining uyg‘unligi o‘tmish va bugunni turli fanlar dialogi orqali ko‘rish imkoniyatini yaratdi.
Konferensiya dunyoning turli mamlakatlaridan tashrif buyurgan yetakchi olimlarning faol ishtiroki bilan yanada ortdi. Konferensiya o’z ishini sho’balarda davom ettirdi. Tadbir sharqshunoslik va ijtimoiy-gumanitar fanlar sohasida yangi g‘oya va tashabbuslarni ilgari surish uchun muhim maydon bo‘lib xizmat qildi.
Ijtimoiy tarmoqlar:
