Ishonch telefoni / Call center
+998 71 233 82 39 / +998 95 515 15 05

  • UZRUEN
  • uzbekistan flag uzbekistan emblem

“O‘zbekiston tashqi siyosatidagi yangi tendensiyalar: Markaziy Osiyo respublikalari va Afg‘oniston bilan o‘zaro munosabatlarning hozirgi holati va istiqbollari” mavzusida xalqaro konferensiya haqida batafsil

22.01.2021, 15:13 Yangiliklar 255

2021-yil 21-yanvar kuni Toshkent davlat sharqshunoslik universitetida Markaziy Osiyo xalqaro instituti hamda “Mintaqaviy muloqot” xalqaro tashkiloti bilan hamkorlikda “O‘zbekiston tashqi siyosatidagi yangi tendensiyalar: Markaziy Osiyo respublikalari va Afg‘oniston bilan o‘zaro munosabatlarning hozirgi holati va istiqbollari” mavzusida xalqaro konferensiya tashkil etilganini ma’lum qilgan edik . Ushbu konferensiya
online formatda o‘tkazildi va xalqaro Markaziy Osiyo masalalari bo‘yicha yetakchi ekspert-olimlar, davlat organlari, diplomatik korpus va siyosiy partiyalar vakillari ishtirok etdilar. Konferensiyada jami 18 ta xorijiy davlat vakillari ishtirok etdilar. Xususan, Afg‘oniston, AQSH, Belgiya, Belorussiya, Buyuk Britaniya, Ispaniya, Fransiya, Koreya Respublikasi, Malayziya, Misr, Pokiston, Rossiya, Xitoy, Qirg‘iziston, Qozog‘iston, Tojikiston va o‘zbekistonlik ekspert-olimlarining ma’ruzalari tinglandi.
Anjumanda O‘zbekiston Respublikasi Prezidenti Sh.Mirziyoyevning 2020-yil 29-dekabrdagi Oliy Majlisga murojaatnomasida belgilangan asosiy vazifalarni muhokama etishga alohida urg‘u berildi.
Davlatimiz rahbarining tashabbuslari nafaqat milliy manfaatlarni, balki mintaqadagi qo‘shni mamlakatlarning ham manfaatlariga mos kelmoqda. Shu sababdan ham xalqaro hamjamiyat O‘zbekistonning mintaqada o‘zaro ishonch va xavfsizlikni mustahkamlashga qaratilgan ijobiy tashabbus va amaliy harakatlarini davom etishini qo‘llab-quvvatlaydi va kutib qoladi.
O‘zbekistonning Afg‘onistonda mustahkam tinchlikni qaror topishiga yo‘naltirilgan amaliy qadamlari jahon hamjamiyati tomonidan yuqori baholanmoqda. Afg‘onistondagi tinchlik va barqaror rivojlanish Markaziy Osiyo mamlakatlarining uzoq muddatli manfaatlari bilan mushtarakligini e’tiborga olib aynan ushbu masalalar muhokamasi konferensiya ishi kun tartibiga olib chiqildi.
Yuqori salohiyatga ega ekspertlar ishtirok etgan konferensiya yangi O‘zbekistonning hozirgi tashqi siyosatiga munosib baho berish bilan birga mintaqa mamlakatlari hukumat doiralari uchun taraqqiyot va tinchlik yo‘lida o‘zaro munosabatlarni samarali muvofiqlashtirishga qaratilgan taklif va tavsiyalar berdi.

Shuni ham ma’lum qilamizki, ushbu konferensiyada qator OAV vakillari ishtirok etdilar. Konferensiya “O’zbekiston 24” teleradiokanalida, “Yoshlar”, “UzReport” telekanallarida, “UZA”, “dunyo.info” kabi ijtimoiy tarmoqlatda yoritildi.

👇🏻

https://dunyo.info/cyrl/site/inner/toshkentda_markaziy_osiio_davlatlari_va_afgoniston_bilan_ҳamkorlikka_bagishlangan_halqaro_anzhuman_bolib_otdi-kAE

https://www.uza.uz/uz/posts/tdshuning-navbatdagi-hamkori-shht-halq-diplomatiyasi-markazi_235953

 

Universitet matbuot xizmati

    Spelling error report

    The following text will be sent to our editors: