Shoislom Shomuhamedov hayoti va ilmiy ijodiga bag‘ishlangan ijodiy kecha o’tkazildi.
O‘zbekistonda xizmat ko‘rsatgan fan arbobi, Xalqaro Firdavsiy mukofotining laureati, taniqli tarjimon-shoir, zakovatli sharqshunos olim Sh.Shomuhamedov tavalludining 100 yilligiga bag‘ishlab Toshkent davlat sharqshunoslik universitetida 2021-yil 16-apreldan boshlab haftalik tadbirlar tashkil etib kelinmoqda.
Bugun, 20-aprel sanasida universitet talabalari tomonidan Sh.Shomuhamedov hayoti va ilmiy ijodiga bag‘ishlangan ijodiy kecha o’tkazildi.
Ushbu kechada talabalar Sh.Shomuhamedov qalamiga mansub ruboiylar, Umar Xayyom ruboiylarining ustoz tomonidan amalga oshirilgan tarjimalarini o‘qib eshittirdilar.
Shuningdek, talabalar teatr guruhi ustoz tarjima qilgan “Shohnoma” dostonidan parchalar xamda Fors tilidagi taronalari bilan qatnashdilar. Istedodli yoshlarga tadbir so’ngida Sh.Shomuhamedov o’gillari Alisher Shomuhamedov tomonidan samimiy tilaklar bildirilgan holda sovg’alar taqdim etildi. Universitet rektori G.ASh.Rixsiyeva ham ijodkor, iqtidorli, faol talabalarga faxriy yorliq taqdim etdi.
Ijtimoiy tarmoqlar:
