TDSHUning “Turk filologiyasi” kafedrasi Gʻozi universiteti bilan hamkorlikda “O‘zbek-turk yosh tadqiqotchilari” mavzusida xalqaro seminar o‘tkazdi.
2021-yil 17-may kuni TDSHUning “Turk filologiyasi” kafedrasi Gʻozi universiteti bilan hamkorlikda “O‘zbek-turk yosh tadqiqotchilari” mavzusida xalqaro seminar o‘tkazdi.
Seminarda Gʻozi universiteti rahbariyati va professor-o‘qituvchilari ishtirok etdi. Toshkent davlat sharqshunoslik universiteti rektori Gulchehra Rixsiyeva universitetlarimiz o‘rtasidagi hamkorlik aloqalari, xususan, mazkur tadbir mohiyati xaqida o‘z fikrlarini bildirib quyidagilarni ma’lum qildi: “TDSHU va Gʻozi universiteti bilan 2019 -yilning 7-noyabr kuni hamkorlik aloqalari o‘rnatilgan. Shundan so‘ng TDSHUning bir qator konferensiyalarida mazkur universitet olimlari o‘z ma’ruzalari bilan ishtirok etgan. 2020-2021 o‘quv yilining 1-semestrida Gʻozi universiteti professori Fatma Achik “Asosiy o‘rganilayotgan til fonetikasi” fanidan talabalarga volontyor sifatida dars o‘tgan. Bugun esa “O‘zbek-turk yosh tadqiqotchilari” mavzusida universitetimizning “Turk filologiyasi” kafedrasi hamda Gʻozi universiteti bilan hamkorlikda ilk xalqaro seminar bo‘lib o‘tishi xamkorlik aloqalarimizning rivojlanishida muhim ahamiyat kasb etadi” deb ta’kidladi.
Tadbir davomida Gʻozi universitetining 2 nafar doktoranti o‘z ma’ruzalari bilan ishtirok etdi:
1. Malika Erdir. Mavzusi: Tushuncha xaritasi texnikasi yordamida C1 darajadagi Turk tili grammatikasini o‘rgatish.
2. Semih Alper Dundar. Mavzusi: Xalqaro talabalarga Turk tilini o‘qitishda madaniyatlararo yondashuvga asoslangan badiiy matnlardan foydalanish: C1 darajasida.
TDSHU “Turk filologiyasi” kafedrasi 3 nafar yosh tadqiqotchisi ham mazkur tadbirda o‘z ma’ruzalari bilan ishtirok etdi:
1. Mehriniso Kayumova. Mavzusi: Haldun Taner va o‘zbek dramaturgiyasining mushtarak jihatlari.
2. Nuriddin Altinboyev. Mavzusi: Turkcha maqolalarda oila konsepti va uning lingvokulturologik tadqiqi.
3. Sadaf Shabanova. Mavzusi: «El» va «ayak» komponentlari ishtirok etgan turkcha iboralarda inson obrazining ifodalanishi.
Tadbir yakunida ma’ruzalar bo‘yicha savol-jaavoblar bo‘lib o‘tdi.
Ijtimoiy tarmoqlar:
