Niderlandiyaning Leyden universiteti dotsenti Yelena Paskaleva TDSHUga tashrif buyurdi.
2021-yil 7-iyun kuni Niderlandiyaning Leyden universiteti dotsenti Yelena Paskaleva TDSHUga tashrif buyurdi.
Toshkent davlat sharqshunoslik universiteti rektori Gulchehra Rixsiyeva va Yelena Paskaleva o‘rtasida universitetlararo hamkorlik aloqalarini rivojlantirish masalalari muhokama etildi.
Shuningdek, Yelena Paskaleva tomonidan Leyden universiteti kutubxonasi manbalaridan foydalanish, Madaniy me’ros yo‘nalishi doirasida magistrlar almashinuvini yo‘lga qo‘yish va yana bir qator takliflar berildi.
Ta’kidlash joizki, 2016-yildan beri ikkala universitet Yevropa Ittifoqining Erasmus+ dasturi doirasida o‘zaro tajriba almashishga qaratilgan mobillik (International Credit Mobility – ICM) loyihasida ishtirok etmokda va muassalarning ilmiy-pedagogik kadrlar almashinuvi yo‘lga qo‘yilgan edi.
Tadbir yakunida Toshkent davlat sharqshunoslik universiteti va Leyden universiteti o‘rtasida Erasmus+ dasturi doirasida 2021-2023 -yillarda universitetlararo doktorantlar va xodimlar almashinuvi bo‘yicha hamkorlik shartnomasi imzolandi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
