TDSHUda bandlik, amaliyot va tadbirkorlik imkoniyatlarini kengaytirish tashabbuslari
Toshkent davlat sharqshunoslik universiteti bitiruvchisi, sharqshunos, falsafa fanlari nomzodi Botir Tursunovning SHHT bosh kotibi o‘rinbosari etib tayinlanishi yosh mutaxassislarning xalqaro darajadagi muvaffaqiyatini namoyon etadi.
2025-yil 9-yanvar kuni TDSHUga Unit Study tashkiloti vakillari tashrif buyurib, talabalar amaliyotini xorijda tashkil etish masalalari muhokama qilindi.
2025-yil 13-yanvar kuni “UNIT CONSULTING” kompaniyasi vakillari bilan uchrashuv o‘tkazilib, Turizm va gid hamrohligi yo‘nalishi talabalari uchun Bolgariya, Germaniya, Xorvatiya va Gretsiyada amaliyot o‘tash imkoniyatlari haqida ma’lumot berildi.
Shuningdek, “Uzbekistan Airways” aviakompaniyasi vakillari bilan uchrashuvda bitiruvchi talabalarni bortkuzatuvchi lavozimiga tanlov asosida ishga qabul qilish shartlari tushuntirildi.
2025-yil 25-mart kuni “O‘zmilliybank” AJ vakili ishtirokida o‘tkazilgan uchrashuvda talabalar uchun biznes g‘oyalarni moliyalashtirish mexanizmlari va tadbirkorlik imkoniyatlari haqida ma’lumot berildi.
Mazkur tashabbuslar Sustainable Development Goal 8 maqsadlariga mos ravishda yoshlar bandligini oshirish, munosib ish o‘rinlarini yaratish hamda iqtisodiy faollikni rag‘batlantirishga xizmat qiladi.
Ijtimoiy tarmoqlar:
