“Kelajakka qadam” loyihasi doirasidagi uchrashuv
2025-yil 18-iyun kuni Toshkent davlat sharqshunoslik universitetida “Kelajakka qadam” loyihasi doirasida “O‘zmilliybank” AJ vakillari ishtirokida bitiruvchi kurs talabalari bilan uchrashuv tashkil etildi. Ushbu tashabbus BMTning Barqaror rivojlanish maqsadlari doirasida SDG 8 – yoshlar bandligini oshirish, tadbirkorlikni rivojlantirish va munosib ish o‘rinlarini yaratishga xizmat qiladi.
Tadbir davomida biznes g‘oyalarini amalga oshirish istagida bo‘lgan talabalarga loyihalarni moliyalashtirish tartibi, mavjud imkoniyatlar hamda bank tomonidan tavsiya etilgan namunaviy biznes loyihalar haqida batafsil ma’lumot berildi. Bu jarayon yoshlarning tadbirkorlik ko‘nikmalarini rivojlantirish va startap tashabbuslarini qo‘llab-quvvatlashga yo‘naltirildi.
Shuningdek, “O‘zmilliybank” AJ vakillari tomonidan bank tizimidagi mavjud bo‘sh ish o‘rinlari e’lon qilinib, bitiruvchilarga ishga kirish uchun qo‘yiladigan talablar hamda hujjat topshirish bosqichlari haqida tushuntirish berildi. Bu esa yoshlarning mehnat bozoriga integratsiyasini kuchaytirishga xizmat qildi.
Mazkur uchrashuv bitiruvchilarning bandligini oshirish, ularni tadbirkorlik va ish bilan ta’minlash imkoniyatlari bilan tanishtirish hamda iqtisodiy faolligini kuchaytirishda muhim ahamiyat kasb etdi.
Ijtimoiy tarmoqlar:
