TDSHUda fors tili notiqlik san’ati musobaqasi
Toshkent davlat sharqshunoslik universitetida talabalar o‘rtasida til ko‘nikmalari va ommaviy nutq madaniyatini rivojlantirish maqsadida “Fors tili notiqlik san’ati” musobaqasining ilk bosqichi tashkil etildi. Guruh bosqichida g‘olib bo‘lgan 20 nafar talaba universitet bosqichida ishtirok etdi.
Ishtirokchilar erkin mavzuda 5 daqiqa davomida fors tilida nutq so‘zlab, yakunda berilgan savollarga ham shu tilda javob berdilar. Ularning chiqishlari xorijlik mutaxassislar — Muhammadrizo Asloniy va Simo Abbosiy, shuningdek, mahalliy ustozlar Mirzajon Qalandarov va Nodir Nuriddinov tomonidan 10 ta mezon asosida baholandi.
Ushbu tashabbus BMTning 4-maqsadi – Sifatli ta’limga xizmat qilgan holda, talabalar orasida ko‘p tillilik va muloqot madaniyatini rivojlantirishga hissa qo‘shdi.
Ijtimoiy tarmoqlar:
