“SDG17 – Partnerships for the goals” mavzusida loyiha darsi
2024-yil 14-noyabr kuni ingliz tili o‘qituvchisi Komilova Dildora tomonidan 2-bosqich Tarix (Yapon/Koreys tili) yo‘nalishida “SDG17 – Partnerships for the goals” mavzusida loyiha darsi tashkil etildi.
Loyiha maqsadi talabalarni BMTning 17-maqsadi – Barqaror rivojlanish yo‘lida hamkorlik haqida xabardor qilish, ingliz tilida erkin fikrlash va taqdimot qilish ko‘nikmalarini rivojlantirishdan iborat edi. Uch hafta davom etgan loyiha doirasida talabalar guruhlarga bo‘linib, turli tadqiqot mavzulari ustida ishladilar. Interaktiv taqdimotlar, slaydlar, posterlar, maqolalar va videolar asosida taqdimotlar tayyorlanib, ijodiy yondashuvda namoyish etildi.
Dars davomida talabalar mavzuning dolzarbligini tushunib yetdi hamda SDG17 haqida chuqur bilimga ega bo‘ldi. Loyihada har bir talabaning faolligi, mustaqil fikrlashi va jamoaviy ishlash malakalari namoyon bo‘ldi. Dars davomida zamonaviy ta’lim usullari va interaktiv metodlardan keng foydalanildi. Bu loyiha talabalarning nafaqat til, balki global muammolarni tahlil qilish ko‘nikmasini ham rivojlantirdi.
Ijtimoiy tarmoqlar:
