INDONEZ TILI VA MADANIYATI MARKAZI
 |
Markaz direktori | ABDUGANIYEVA NASIBAXON AZIZOVNA |
| Qabul vaqti: | Haftaning Payshanba kuni soat 11:00 dan 13:00 gacha | |
| Tel: | + 998 71 233-34-24 | |
| e-mail: | info@tsuos.uz |
Markazning vazifalari
Quyidagilar Markazning asosiy vazifalari hisoblanadi:
Indoneziya madaniyati, tarixi, adabiyoti, iqtisodi, siyosati va indonez tilini har tomonlama chuqur oʻrganishga yoʻnaltirilgan ilmiy tadqiqotlar olib borish hamda Oʻzbekiston Respublikasi Indoneziya davlatining oʻzaro hamkorlik munosabatlarini yanada rivojlantirish nuqtayi nazaridan oʻrganish;
– Indonez tili bo‘yicha ilmiy-pedagogik xodimlarni tayyorlash, shuningdek, mahalliy va indoneziyalik hamkorlar bilan birgalikda ilmiy-tadqiqot ishlarini olib borish, xususan, ilmiy loyihalar, dissertatsiyalar, monografiyalar va ilmiy maqolalar tayyorlash;
– Indoneziya va O‘zbekistondagi til vaziyati, indonez va o‘zbek tillarini, indonez va o‘zbek madaniyatini qiyosiy oʻrganishga yoʻnaltirilgan ilmiy tadqiqotlar olib borish hamda uning natijalarini taʼlim jarayoniga bevosita qoʻllash orqali indonez va o‘zbek tillari va madaniyatini dunyo miqyosida targʻib etish;
– Indonezshunoslik tadqiqi hamda Indoneziya davlati yetakchi oliy ta’lim muassasalari va ilmiy-tadqiqot markazlari faoliyatinining tahlili asosida universitet bakalavrlik va magistrlik oʻquv rejalaridagi til, adabiyot, tarix, iqtisodiyot va siyosatshunoslik bilan bogʻliq kurslar oʻquv dasturlarining mazmun-mohiyatiga zamon ruhi singdirilgan tavsiyalar ishlab chiqish;
– Indoneziya madaniyati, tarixi, adabiyoti, iqtisodi, siyosati va indonez tiliga oid asarlarni o‘zbek tiliga va aksincha, O‘zbekiston madaniyati, tarixi, adabiyoti, iqtisodi, siyosati va o‘zbek tiliga oid asarlarni tarjima va nashr qilish orqali har ikki mamlakat qadriyatlari va milliy madaniy merosini dunyoga tanitish;
– Indonezshunoslikning rivoji, taraqqiyoti va istiqboli boʻyicha Indoneziya davlatining hamkor OTMlari, ilmiy-tadqiqot markazlari va xalqaro tashkilotlari bilan turli darajalarda ilmiy konferensiya, seminar va davra suhbatlari oʻtkazish;
– Ilmiy seminarlar, davra suhbatlari va turli ilmiy anjumanlar tashkil etish orqali oʻqituvchilar, ilmiy tadqiqotchilar malakasini oshirib borish;
– Markaz ilmiy-tadqiqot natijalarini muntazam ravishda yoritib borish maqsadida Markaz faoliyati bilan tanishtiruvchi materiallar va soha boʻyicha erishilgan ilmiy natijalarni xorijiy, xususan, Scopus va web of science ilmmetr bazalarida indekslanuvchi nashrlarda hamda respublika va universitet nashrlarida muntazam chop etib borish;
– Respublikada ilmiy faoliyat bilan shug‘ullanayotgan o‘qituvchilar, doktorantlar va mustaqil izlanuvchilar uchun markaz qoshida “Ilmiy ish yozish asoslari” kurslarini tashkil etish;
– Markaz ishiga yurtimiz va Indoneziya davlatida faoliyat olib borayotgan yetakchi indonezshunos olimlarni jalb qilish;
– Indonez madaniyati, tarixi, adabiyoti, iqtisodi, siyosati va indonez tilini tadqiq va tahlil eta oladigan indonezshunos mutaxassislarning yangi avlodini shakllantirishda faol ishtirok etish;
– Iqtidorli talabalar, magistrantlar, doktorantlar bilan birgalikda startap, innovatsion loyihalar ishlab chiqish, Indoneziya davlatining yetakchi ilmiy-tadqiqot markazlari va OTMlari bilan hamkorlikda ilmiy seminarlar va loyihalar taqdimotlarini oʻtkazish;
– Universitetda indonezshunoslik yoʻnalishida bajariladigan tadqiqot ishlarini oʻz vaqtida bajarilishini monitoring qilish va ijrosini taʼminlash.
2.Markaz unga yuklatilgan vazifalarga muvofiq quyidagi funksiyalarni amalga oshiradi:
– Universitet ilmiy tadqiqot ishlari hamda markazning ish rejasidan kelib chiqib, tadqiqot ishlarini amalga oshiradi;
– Indonezshunoslikning dolzarb masalalari boʻyicha seminarlar, davra suhbatlari, konferensiyalar tashkil etadi;
– Universitetning va Markazning tasdiqlangan rejasi asosida tadqiqot natijalarini keng jamoatchilikka yetkazish uchun tahliliy maqolalar, tahliliy maʼruzalar tayyorlaydi;
– Xorijiy mutaxassislar bilan hamkorlikda oʻquv kurslarini, oʻquv adabiyotlarini tayyorlashda ishtirok etadi;
– Universitet maqsadi va vazifalariga zid kelmaydigan boshqa tahliliy loyihalarda ishtirok etadi;
– Markaz ishini tashkil etishga universitet professor-oʻqituvchilari, talabalari, tadqiqotchilari, magistrlarini, shuningdek, davlat boshqaruv organlarining xodimlari, tahliliy markazlarning, ilmiy muassasalarning vakillari, xorijiy davlatlarning mutaxassislarini jalb etadi;
– Indoneziya madaniyati, tarixi, adabiyoti, iqtisodi, siyosati va indonez tili boʻyicha amalga oshiriladigan bitiruv malakaviy ishlar, magistrlik va doktorlik dissertatsiyalari va turli ilmiy tadqiqotlar, tahliliy loyihalarni kafedralar bilan hamkorlikda muvofiqlashtiradi;
– Indoneziya madaniyati, tarixi, adabiyoti, iqtisodi, siyosati va indonez tili boʻyicha ilmiy tadqiqotlar oʻtkazishda ilgʻor xorijiy tajribani oʻrganish va tatbiq etish yuzasidan takliflar ishlab chiqadi;
– Indoneziya madaniyati, tarixi, adabiyoti, iqtisodi, siyosati va indonez tilini chuqur oʻrganishga yoʻnaltirilgan ilmiy tadqiqotlar olib borish orqali Oʻzbekiston va Indoneziya davlatlarining oʻzaro hamkorlik munosabatlarini yanada rivojlantirishga hissa qo‘shadi;
– Indonezshunoslikning turli yoʻnalishlari va dolzarb masalalari boʻyicha materiallar tayyorlaydi.
Ijtimoiy tarmoqlar:
