Ishonch telefoni / Call center
+998 71 233 34 24 / +998 71 233 34 28

  • UZRUEN
  • uzbekistan flag uzbekistan emblem

Leyden Universiteti bilan aloqalar mustahkamlanmoqda

12.06.2020, 15:21 Yangiliklar 2520

Toshkent davlat sharqshunoslik universiteti va Niderlandiyaning Leyden universiteti o‘rtasidagi hamkorlik bitimiga muvofiq hamda ta’lim muassasalari o‘rtasida amalga oshirilayotgan Erasmus+ loyihasi doirasida 2020-yilning 20-yanvaridan 11-iyuniga qadar Leyden universiteti doktoranti Komstok-Skip Djemi “Eron-afg‘on filologiyasi” kafedrasida ilmiy stajirovka o‘tadi. Mazkur stajirovka davomida Komstok-Skip Djemi universitet talabalariga “Shayboniylar va Shohnoma” mavzularida ham 20 soatlik ma’ruzalar o‘qidi.
Doktorant Komstok-Skip Djemi, shuningdek, O‘zbekiston Respublikasi Fanlar akademiyasi Abu Rayxon Beruniy nomidagi Sharqshunoslik institutida xam ilmiy stajirovka o‘tadi va ilmiy tadqiqotiga oid manbalarni o‘rgandi.
2020-yilning 11-iyun kuni Toshkent davlat sharqshunoslik universiteti Yosh olimlari kengashi hamda Abu Rayxon Beruniy nomidagi Sharqshunoslik instituti hamkorligida “Bilimkent” onlayn seminar ma’ruzalari doirasida doktorant Komstok-Skip Djemi “Yangi asr, yangi sulola: Tuqay-Temuriylar (Ashtarxoniylar)ning Samarqandga ko‘chirilgan Shohnoma nusxalari” mavzuidagi yakunlovchi onlayn vebinar-seminari tashkil etildi.
Tadbir boshida Toshkent davlat sharqshunoslik universiteti rektori Rixsiyeva Gulchehra Shovkatovna doktorant Komstok-Skip Djemining universitetda amalga oshirgan ilmiy hamda o‘qituvchilik faoliyatini yuqori baholab, o‘z samimiy minnatdorchiligini izhor etdi va kelgusida o‘zaro hamkorlik aloqalarining yanada rivojlanishiga umid bildirdi.