“OGАHIY IJODIY MEROSI VА SHАRQ АDАBIYOTIDА АDАBIY АN’АNА MАSАLАSI” mavzuidagi Respublika ilmiy-amaliy konferensiya haqida e’lon
Konferensiya 2022-yil 17- dekabr kuni Toshkent davlat sharqshunoslik universitetida “Ogahiy ijodiy merosi va sharq adabiyotida adabiy anʼana masalasi” mavzuida Respublika ilmiy-amaliy anjumani oʼtkazish rejalashtirilgan. Ilmiy anjumanga mamlakatimizdagi Ogahiy va sharq adabiyoti boʼyicha tadqiqot ishlarini olib borayotgan taniqli mutaxassislar hamda olimlar taklif qilingan.
Konferentsiyada quyidagi masalalar muhokamaga tortiladi:
- Mumtoz sharq adabiyotining jahon xalqlari madaniyati rivojidagi oʼrni va Buyuk Ipak yoʼli mintaqasi xalqlarining adabiy anʼanalari;
- Mumtoz sharq adabiyotida janrlar tizimining shakllanishi, tarixiy taraqqiyoti hamda «sayyor syujetlar” va anʼanaviy motivlar migratsiyasi masalasi;
- Sharq mamlakatlari mumtoz adabiyotidagi tarixiy-genetik, tarixiy-tipologik mushtarakliklar hamda Аlisher Navoiy va Ogahiy ijodidagi mushtarak jihatlar;
- Ogahiy asarlarining badiiyati va Ogahiy ijodida Sharq fol’klori an’analari;
- Ogahiy asarlarining til va uslub xususiyatlari,
- Ogahiy tarjimashunos, adib ijodida an’ana va novatorlik;
- Ogahiy ijodini o‘rta maktab va oliy o‘quv yurtlarida o‘qitish hamda adib ijodi namunalarini global tarmoqda joylashtirish masalalari;
Maqolalar quyidagi talablar bo‘yicha tayyorlangan bo‘lishi kerak:
- Maqolalar o‘zbek va rus tillarida qabul qilinadi.
- Maqolaning umumiy hajmi 5-8 bet. Matn formati MS Word dasturida, Times New Roman shriftida, 1,5 interval, 14 kegel (yozma va elektron variantda) topshirilishi shart.
- Maqola matni tahrir qilingan holda A-4 o‘lchovida, yuqoridan va pastdan 2 sm, chapdan 3 sm, o‘ngdan 1,5 sm joy qoldirilib, rasmiylashtiriladi.
- Maqolaning tepa qismi o‘rtasida maqolaning nomi bosh harflar bilan to‘q shriftda beriladi. Keyingi qatorning o‘rtasida muallif haqida quyidagi ma’lumotlar ko‘rsatilishi lozim:familiyasi, ismi, otasining ismi, ilmiy darajasi va unvoni, ish joyi (oliy o‘quv yurti nomi, shahar, mamlakat), telefon raqami va elektron manzili kursivda beriladi.
- Annotasiya va kalit so‘zlar ikki tilda: o‘zbek va rus tillarida berilishi lozim. Annotasiya hajmi masofalarsiz 150 belgidan oshmasligi kerak. Tayanch so‘zlar: 5-6 ta so‘z.
- Qabul qilingan materiallar anjuman materiallari to‘plami sifatida nashr qilinadi.
- Anjuman mavzusiga, ilmiy me’yorlarga va texnik talablarga javob bermaydigan maqolalar qabul qilinmaydi.
- Ma’ruza matnlari quyidagi tartibda shakllantirilishi lozim:
- Annotasiya, tayanch so‘zlar
- Kirish
- Asosiy qism
- Xulosa
- Adabiyotlar
Maqolalar anjuman yo‘nalishlariga oid dolzarb mavzularda, ilmiy tahlil va tugallangan fikrlar asosida, amaliy tavsiyalar bilan taqdim etilishi lozim.
Maqolalarning elektron nusxasini 2022-yil 15 – noyabriga qadar quyidagi manzilga https//tme/tsouskonferenciya jo‘natishingiz so‘raladi:
ANJUMAN TALABNOMASI SHAKLI:
- Familiyasi
- Ismi
- Otasining ismi
- Ilmiy daraja
- Ilmiy unvon
- Ish joyi manzili
- Xizmat telefoni
- Uyali telefon
- Elektron pochta manzili
- Anjuman yo‘nalishi (sho‘’ba)
- Ma’ruza mavzusi
Ijtimoiy tarmoqlar:
