O‘zbekistonda koreysshunoslikning rivojlanishi: lingvistik tadqiqotlarga umumiy nuqtai nazar
Abilayxon nomidagi Qozog‘iston xalqaro munosabatlar va jahon tillari universiteti talabalari, magistrantlari, doktorantlari va professor-o‘qituvchilari uchun 2021-yil 20-noyabr kuni ZOOM platformasida filologiya fanlari doktori, Toshkent davlat sharqshunoslik universiteti koreys filologiyasi kafedrasi professori Kim Natalya Dek-henovnaning “O‘zbekistonda koreysshunoslikning rivojlanishi: lingvistik tadqiqotlarga umumiy nuqtai nazar” mavzusida ochiq xalqaro onlayn ma’ruzasi bo‘lib o‘tdi.
Ochiq onlayn ma’ruzada filologiya fanlari nomzodi, Abilayxon nomidagi Qozog‘iston xalqaro munosabatlar va jahon tillari universiteti Sharq tillari tarjimasi kafedrasi mudiri Jeldibayeva Raushan Baskenovna, filologiya fanlari doktori, professor Pak Nelly Sergeevna, Abilayxon nomidagi Qozog’iston xalqaro munosabatlar va jahon tillari universitetining koreys tilini o’rganish markazi direktori, falsafa fanlari doktori (PhD), professor Xan Nelli Chanirovna, kafedra professor-o‘qituvchilari, doktorantlar, magistrantlar va talabalar ishtirok etdilar.
Toshkent davlat sharqshunoslik universitetidan Koreys filologiyasi kafedrasi mudiri, filologiya fanlari doktori, professor Saydazimova Umida Turaxanovna, falsafa fanlari doktori (PhD) dotsent Kim Tatyana Sergeevna, falsafa fanlari doktori (PhD) Yunusova Gulshoda Dilshadovna va koreys filologiyasi kafedrasining yosh mutaxassislari, abituriyentlar, doktorantlar, magistrantlar va talabalar qatnashdilar.
Professor N. D. Kim o‘zining ilmiy ma’ruzasida so‘nggi yillarda koreys tilshunosligida olib borilgan lingvistik tadqiqotlar haqida umumiy ma’lumot berdi. Hozirda koreysshunoslikning rivojlanishi xorijlik tadqiqotchilarning katta e’tiborini tortmoqda. O‘zbekistonda koreysshunoslik barcha yo‘nalishlarda, jumladan, tilshunoslik bo‘yicha ham rivojlanmoqda. So‘nggi yillarda koreys tili va tilshunosligiga oid ko‘plab o‘quv va ilmiy adabiyotlar nashr etildi.
Universitet haqida qisqacha to‘xtaladigan bo‘lsak, Abilayxon nomidagi Qozog’iston xalqaro munosabatlar va jahon tillari universiteti Qozogʻiston universitetlari reytingida yuqori oʻrinlarni egalladi. Soʻnggi yillarda mutaxassislar tayyorlash akademik koʻrsatkichlari boʻyicha universitet kuchli beshlikdan joy oldi va Qozogʻiston oliy maktabida oʻzining yetakchi mavqeini saqlab qoldi. U dunyoning 14 tilida kasb-hunar ta’limi beradigan ko’p tarmoqli ilmiy va ta’lim muassasasidir.
Hozirda universitetda 7 ta asosiy fakultet mavjud boʻlib, ular Tarjima va filologiya fakulteti, Pedagogik fakultet, Menejment va xalqaro kommunikatsiyalar fakulteti, Xalqaro munosabatlar fakulteti, Sharqshunoslik fakulteti, Uzluksiz ta’lim fakulteti va Iqtisodiyot va huquq fakultetlaridir.
AbilayXon nomidagi Qozog’iston xalqaro munosabatlar va jahon tillari universiteti 14 ta nufuzli xalqaro assotsiatsiyalarning a’zosi: Universitetlar xalqaro assotsiatsiyasi (YUNESKO), Yevroosiyo-Tinch okeani birlashgan 3 ta xalqaro turizm assotsiatsiyasi (ATLAS, AMFORTH, EURHODIP), Frankofoniya universitetlari xalqaro assotsiatsiyasi (AUF), Oliy maktablar xalqaro fanlar akademiyasi, Xalqaro munosabatlar maktablari assotsiatsiyasi (MGIMO) UMO, Moskva davlat lingvistik universiteti, Yevropa tillar kengashi (ELC), SHHTga aʼzo davlatlar gumanitar universitetlari konsorsiumi, Oʻzbekiston tilshunoslik universitetlari konsorsiumi, EvrAzESga aʼzo davlatlar, EUPRERA assotsiatsiyasi (Evropa jamoatchilik bilan aloqalar boʻyicha taʼlim va tadqiqot assotsiatsiyasi) Belgiya, Yevropa xalqaro taʼlim assotsiatsiyasi (EAITE).
QS WUR (World University Rankings), QS EECA University reytinglari, QS fanlari boʻyicha (Zamonaviy tillar) xalqaro reytinglarida universitet AQAS dasturi bo‘yicha TOP-500 va TOP-1000talikka kiradi. Universitetning 6 ta mutaxassisligi xalqaro akkreditatsiyadan oʻtgan.
TDSHU Matbuot xizmati
Ijtimoiy tarmoqlar:
