TDSHU Kengashining 5-son yig‘ilishi bo‘lib o‘tdi
2024-yilning 26-dekabr kuni universitet Kengashining 5-son yig‘ilishi bo‘lib o‘tdi.
✔️Majlisda O‘zbekiston Respublikasi Prezidenti va Hukumat qarorlari, Oliy ta’lim, fan va innovatsiyalar vazirligi, Hay’at qarorlari va buyruqlari ijrosi masalalari ko‘rib chiqildi.
Ilmiy kengash an’anasiga muvofiq, dotsent ilmiy unvoni, PhD ilmiy darajasiga sazovor bo’lganlar diplom, nomdor stipendiya sohiblari esa tashakkurnomalar bilan taqdirlandilar. Shuningdek, o’qituvchi va xodimlarning yubiley ayyomlari bilan qutlandi.
Kengash davomida, 2024-yilda TDSHUda ilmiy-tadqiqot ishlari bo‘yicha amalga oshirilgan ishlar, yoshlar bilan ishlash, tarbiyaviy ishlar tizimini takomillashtirish, ma’naviy-ma’rifiy sohani rivojlantirish, sog‘lom turmush tarzi va bo‘sh vaqtlarini mazmunli tashkil etish borasida talabalarning qishki ta’tiliga tayyorgarliklarni borish masalasi ko’rib chiqildi.
TDSHU huzuridagi Akademik litseyda ta’lim jarayonining tashkil qilinishi hamda metodik yordam ko‘rsatish, Kasaba uyushmasi qo‘mitasining o‘qituvchilar, xodimlar, talabalarning ijtimoiy himoya qilish va mehnat muhofazasi, xalqaro hamkorlik bo‘yicha amalga oshirilgan ishlar hisoboti tinglandi. Universitetda investisiyalarni jalb etish va tijoratlashtirish bo‘yicha amalga oshirilayotgan ishlar hamda Raqamli ta’lim texnologiyalari markazi faoliyati tog’risida ham ma’lumot berildi.
Ijtimoiy tarmoqlar:
