TDSHU Koreyashunoslik fakultetida Tandem darslari boshlandi
9-yanvar kuni Toshkent davlat sharqshunoslik universiteti Koreyashunoslik fakultetida Janubiy Koreyaning Chung-an universiteti professor va talabalari ishtirokida tandem darslari start oldi. Mazkur darslarda Chung-an universiteti professori – professor Kim Hyoung Sup “Koreya tarixi va milliy madaniyati” mavzusida ma’ruza qildi. Koreyashunoslik fakulteti koreys filologiyasi kafedrasi mudiri filologiya fanlari doktori, professor Saydazimova Umida Turaxanovna tomonidan “O’zbekiston-Koreya: ta’lim sohasidagi istiqbolli hamkorlik” mavzusida ma’ruzalar o‘qib eshittirildi. 10-yanvar kuni fakultetning ilmiy, innovatsiya va xalqaro aloqalar bo‘yicha dekan o‘rinbosari, dotsent PhD Shamsiyeva Shohista tomonidan “O‘zbekiston bozorlari” mavzusida talaba yoshlarga ma’ruza o‘qib eshittirildi. Dars davomida Chung-an universiteti talabalari tomonidan tayyorlangan “Madaniy aloqalar” mavzusida taqdimotlar ham namoyish etildi. Tadbir yakunida tandem darsida faol ishtirok etgan talabalarga kitoblar taqdim etildi. Ushbu tandem darslari hafta oxiriga qadar davom etadi.
Ijtimoiy tarmoqlar:
