TDSHU rektori va prorektorlari, Koreyashunoslik va Xitoyshunoslik fakulteti talabalari bilan uchrashdi
23-fevral kuni TDSHUning majlislar zalida universitet rektori, Rixsiyeva Gulchehra Shavkatovna hamda barcha prorektorlar Xitoyshunoslik va Koreyshunoslik fakultetining bitiruvchi talabalari bilan uchrashuv o’tkazdi.
Mazkur uchrashuvda 100dan ortiq filolog, tarixchi, iqtisodchi va siyosatchi bitiruvchi talabalari ishtirok etdi
Uchrashuv davomida bitiruvchilarni ishga joylashishi, kelgusida ularni o’z mutaxassisligi bo’yicha yetuk kadr bo’lib yetishishlariga alohida e’tibor qaratish kerakligi haqida gapirdi. Hozirda rasman mutaxassisligi bo’yicha faoliyat olib borayotganlar haqida qiziqdi.
Suhbat davomida talabalarning takliflari, fikr-mulohazalari tinglandi va ilmiy ish olib borayotgan, o’quv markazi ochmoqchi hamda ishlash istagida bo’lgan talabalarga koʻmaklashish borasida masʼullarga topshiriqlar berdi.
Mazkur uchrashuv doirasida universitet rahbariyati tomonidan bitiruvchi talabalarga ayniqsa xitoyshunoslarga mamlakatimizda bugungi kundagi kadrlarga bo‘lgan talablar, o‘z sohasining yetuk mutaxassisi bo‘lishi uchun e’tibor qaratilishi lozim bo‘lgan jihatlarga atroflicha to‘xtalib o‘tildi. Shuningdek, Respublikamizda olib borilayotgan islohotlar mazmun-mohiyati haqita batafsil ma’lumot berildi.
Uchrashuv so’nggida bitiruvchilarning qiziqtirgan savollariga universitet rektori hamda prorektorlar yetarlicha javob berdi.
Ijtimoiy tarmoqlar:
