TDSHUning mahallalar bilan hamkorligi
Toshkent davlat sharqshunoslik universiteti Koreyashunoslik fakulteti mas’ullari «1-iyun – Xalqaro bolalar kuni» munosabati bilan Mirobod tumani A.Avloniy mahallasiga tashrif buyurdilar. Bayram munosabati bilan bolalarga Koreyashunoslik fakulteti nomidan bir qancha kitoblar ulashildi. Mahalla faollari taqdim etilgan kitoblar uchun oʻz minnatdorchiligini bildirdi.
Mahallada tashkil etilgan bayram tadbirida bolajonlar tomonidan tayyorlangan kuy-qoʻshiqlar va sheʼrlar yangradi. Tadbirdan soʻng Koreyashunoslik fakulteti yoshlar bilan ishlash boʻyicha dekan muovini B.Turaxodjayev mahalla faollari bilan suhbatlashdi. Suhbat davomida mahalla va universitet oʻrtasida yozgi taʼtil mavsumida bolalarning boʻsh vaqtlarini mazmunli tashkil etish boʻyicha amalga oshiriladigan loyihalar toʻgʻrisida kelishib olindi.
Ijtimoiy tarmoqlar:
