Toshkent davlat sharqshunoslik institutida “Xalqaro ta’lim kuni”
Birlashgan Millatlar Tashkiloti Bosh Assambleyasining 73-sessiyasida dunyoda tinchlikni saqlash va barqaror rivojlanishda ta’limning ahamiyati yuqori bo‘lganligi sababli 24-yanvar – Xalqaro ta’lim kuni deb e’lon qilingan.Shu munosabat bilan, O‘zbekiston Respublikasi Oliy va o‘rta maxsus ta’lim vazirligining 2020-yil 20-yanvardagi 87-03-288-sonli xati ijrosini ta’minlash maqsadida joriy yilning 24-yanvar kuni Toshkent davlat sharqshunoslik institutida “Xalqaro ta’lim kuni” keng nishonlandi.Ushbu tadbirda institutning “G‘arbiy yevropa tillari” kafedrasi o‘qituvchisi Musina Galiya Gazievna boshchiligida tarjima yo‘nalishi 1-kurs magistrantlari Nazarova Shoira hamda Isakova Nodira ingliz tilida tayyorlagan taqdimotlari yig‘ilish ishtirokchilarida chuqur taassurot qoldirdi.Mazkur tadbirda professor-o‘qituvchilar va talabalar tomonidan ta’limning bugungi kundagi o‘rni va undagi muammolar bu sohada YuNESKO tashkilotining olib borayotgan ishlari haqidagi qiziqarli ma’lumotlar, bahs-munozaralar ularning ta’limga bo‘lgan e’tibori va qiziqishini yanada namoyon etdi.
Ijtimoiy tarmoqlar:
