Turkiya Respublikasi Prezidenti huzuridagi Davlat test markazidan delegatsiya tashrifi
8-oktabr kuni ToshDSHIga Turkiya Respublikasi Prezidenti huzuridagi Davlat test markazi direktori professor Xalis Aygun boshchiligidagi delegatsiya tashrif buyurdi. Uchrashuv doirasida mehmonlar tomonidan mazkur davlat tashkiloti faoliyati, tizimi va unda olib borilayotgan ishlar to’g’risida ma’lumot berildi. Shu o’rinda, ToshDSHI rektori dotsent G.Rixsiyeva institut faoliyati, turkologiya sohasining rivojlanishi va Turkiy tillar kafedrasida amalga oshirilayotgan ilmiy izlanishlar va tadqiqotlar haqida atroflicha ma’lumot berdi. Uchrashuv chog’ida mehmonlar Turkiy tillar kafedrasi professor-o’qituvchilari va ularning faoliyatlari bilan yaqindan tanishdi. Mehmonlar institutda turkologiya sohasi rivojlanishiga berilayotgan e’tiborni yuqori baholashdi.
Ijtimoiy tarmoqlar:
