Ishonch telefoni / Call center
+998 71 233 82 39 / +998 95 515 15 05

  • UZRUEN
  • uzbekistan flag uzbekistan emblem

Xalqaro hamkorlik bo’limi xabarlari

XALQARO HAMKORLIK BO‘LIMI
XABARLARI
Toshkent davlat sharqshunoslik universitetiga tashrif buyurgan xorijiy mehmonlar

2019-yilning 3-oktyabrida TDSHIga Belorusiya strategik tadqiqotlar instituti 2 nafar xodimi Anton Dudaryonok va Yuriy Yarmolinskiylar tashrif buyurishdi. TDShI rahbariyati bilan uchrashuv chog’ida Belorussiya tadqiqotlar instituti faoliyati haqida mehmonlar ma’lumot berishdi. Shu o’rinda institut rektori G.Rixsiyeva tomonidan TDShI faoliyati va institutdagi ilmiy tadqiqot markazlari haqida ma’lumot berildi. Uchrashuv doirasida kelgusidagi hamkorlik masalalari muhokama qilindi hamda ko’plab masalalar yuzasidan muzokaralar olib borildi. Ikki tomonlama hamkorlik yanada uzoq va bardavom bo’lishiga yanada ishonch bildirilib, mehmonlar tashrifi yakunlandi.

1

2019-yil 8-oktyabr kuni Turkiya Respublikasi Prezidenti huzuridagi davlat test markazining bir necha xodimlari Toshkent davlat sharqshunoslik institutiga tashrif buyurishdi. Tashrif davomida mazkur xodimlar Toshkent davlat sharqshunoslik institutida turkshunoslik sohasida amalga oshirilgan ilmiy izlanishlar va tadqiqot sohalarida amalga oshirilayotgan ishlar bilan tanishishdi. Uchrashuv davomida TDShI rektori G.Sh.Rixsiyeva tomonidan bugungi kunda institutda turkshunoslik sohasining rivoji, qolaversa kelgusidagi rejalar haqida ma’lumotlar berib o’tildi. Tashrif buyurgan mehmonlar institutdagi turkshunoslik sohasidagi izlanishlar uchun chuqur minnatdorchiliklarini izhor etib, kelgusida hamkorlik yanada bardavom bo’lishida umid bildirib qolishdi.

2

2019-yilning 24-oktyabrida TDSHIga Toshkent shahridagi Pokiston Islom Respublikasi elchixonasining konsuli Taxir Aziz Choudri va harbiy attashe Aezaz Aizad Amin tashrif buyurishdi. TDShI rahbariyati bilan mehmonlar Pokistonning nufuzli oliy ta’lim muassasalari o’rtasida tegishli ta’lim yo’nalish va mutaxassisliklar bo’yicha hamkorlik aloqalarini o’rnatish masalalarini muhokama qilishdi. Shu bilan birga, tashrif doirasida TDShIdagi O’zbekiston -Pokiston markazida urdushunos professor-o’qituvchi va talabalari bilan uchrashuv bo’lib o’tdi. Uchrashuv yakunida ikki tomon ham hamkorlik aloqalari uchun o’z minnatdorchiliklarini bildirib qolishdi.

3

2019-yil 24-oktyabrda O’zbekiston Respublikasi Tashqi ishlar vazirligi va O’zbekiston Yozuvchilar uyushmasi tashkilotlari tomonidan Afg’oniston Islom Respublikasi Balx viloyatidan Mujir Vahob boshchiligida yozuvchilar va shoirlaridan iborat 9 kishilik ijodiy guruh Toshkent davlat sharqshunoslik instituti “Eron-afg’on filologiyasi” kafedrasi professor-o’qituvchi va talabalari bilan uchrashdi. Tadbirni Toshkent davlat sharqshunoslik instituti O’quv va tarbiyaviy ishlar bo’yicha prorektor, f.f.n., dots. A.A. Vaxidov kirish so’zi bilan ochib berdi va tashrif bilan samimiy qutlab o’z minnatdorchiligini bildirdi. Tabrik so’zini O’zbekiston-Afg’oniston do’stlik jamiyati raisi, f.f.d., prof. A.A. Mannonov davom ettirdi. Jamiyat raisi o’z nutqida O’zbekiston va Afg’oniston Respublikalari o’rtasidagi do’stlik munosabatlari davom etishi har ikki mamlakat uchun manfaatli ekanligini, oxirgi yillarda Afg’oniston Prezidentining O’zbekistonga 4 marotaba tashrif buyurgani, davlatlarimiz o’rtasidagi, xususan, adabiyot va ilm-fan sohalaridagi do’stlik aloqalarining yaxshilanib borayotgani, hurmatli mehmonlarning bugungi tashrifi o’zbek tiliga davlat tili maqomi berilganining 30 yilligiga to’g’ri kelganining o’ziga xos ma’noga ega ekanligini ta’kidladi. Toshkent davlat sharqshunoslik institutida dariy, pushtu va fors tillarida dars berib kelayotgan professor-o’qituvchilarni tanishtirdi. Afg’oniston Islom Respublikasidan tashrif buyurgan adabiyot vakillari afg’on adabiyotining hozirgi holati, ijodiy ishlarning nashr masalalari bo’yicha o’z fikrlari bilan o’rtoqlashdilar, dariy va o’zbek tillarining mushtarakligiga alohida urg’u berdilar. Mehmonlar o’z qalamlariga mansub dariy, o’zbek tillaridagi ijod namunalari bilan o’rtoqlashdilar. Eron-afg’on filologiyasi kafedrasi talabalari ham o’zlari o’rganayotgan dariy va pushtu tillarida she’rlar yodlab berdilar. Tadbir so’nggida mehmonlar talabalarning dariy va pushtu tillaridagi savollariga o’z ona tilida javob berdilar.

2019-yil 26-oktyabrda Toshkent davlat sharqshunoslik institutiga Turkiya Respublikasi Afyon Kokatepe universiteti Zamonaviy turk dialektikasi va adabiyoti kafedrasi mudiri Axmet Karaman tashrif buyurdi. Uchrashuvda Sharq filologiyasi fakulteti dekani Q.Omonov, “Turkiy tillar” kafedarsi mudiri P.Kenjaeva va kafedra professori Mustafa Karazeybek, “Mumtoz filologiyasi” kafedrasi professori Q.Sodiqov va Xalqaro xamkorlik bo’limi metodisti U.Isroilov ishtirok etishdi. Uchrashuv chog’ida mehmon Afyon Kokatepe universiteti Zamonaviy turk dialektikasi va adabiyoti kafedrasining faoliyati, shu jumladan, mavjud o’zbek-uyg’ur, qozoq-qirg’iz, turkman-ozarbayjon, kavkaz tillari yo’nalishlarida kafedra tomonidan amalga oshirilayotgan ishlar xaqida ma’lumot berdi. Shu o’rinda TDShI dekani Q.Omonov tomonidan institut va Sharq filologiyasi fakulteti faoliyati, turkologiya sohasining rivojlanishi va “Turkiy tillar” kafedrasida amalga oshirilayotgan ishlar to’g’risida ma’lumotlar berib o’tildi va qisqacha tanishtirildi. Kelgusida TDShI va Afyon Kokatepe universitetlari o’rtasida tegishli ta’lim yo’nalishi va magistratura mutaxassisliklari bo’yicha hamkorlik aloqalarini o’rnatish masalalarini muhokama qilinishiga kelishildi hamda uchrashuv o’z yakuniga etdi.

7

2019-yil 30-oktyabr kuni O’zbekiston Respublikasidagi Hindiston Respublikasining Favqulodda va Muxtor Elchisi Santosh Dja, Hindiston Respublikasining Toshkent shahridagi L.B.Shastri nomidagi Madaniyat markazi direktori prof.Chandra Shekxar, Hindiston Respublikasining Markaziy hindiy tili instituti direktori o’rinbosari prof.K.Goyanka va Uttar Pradesh hindiy tili oliygohidan doktor Ravi Tekchandanilar Toshkent davlat sharqshunoslik institutiga tashrif buyurdilar. Uchrashuvning birinchi qismida TDShI rahbariyati va elchi boshchiligidagi hind mehmonlari bilan institut rektoratida qisqa fursatli uchrashuv amalga oshirildi. Mazkur uchrashuv doirasida O’zbekiston Respublikasi va Hindiston Respublikasi aloqalarining qadimiyligi va uni bardavomligi, ta’lim sohasidagi hamkorlikni yanada yangi pog’onaga ko’tarish bilan bog’liq masalalar muhokama qilindi. Shu bilan birga, Hindiston oliy ta’lim muassasalari mutaxassislarini institutimizga hindiy tili va adabiyoti, tarixi, madaniyati, falsafasi va iqtisodi bo’yicha talabalarga dars berish uchun taklif etish hamda institut o’qituvchi va talabalarining o’z bilimlarini mustahkamlash uchun Hindiston oliy ta’lim muassasalarida tahsil olish, shuningdek, hamkorlikda hindshunoslik bilan bog’liq qo’shma ilmiy loyihalar ustida ish olib borish kabi masalalar yuzasidan fikr-mulohazalar bildirildi. Uchrashuvning ikkinchi qismida Janubiy va Janubiy Sharqiy Osiyo tillari kafedrasi huzuridagi M.Gandi nomidagi Hindshunoslik markazida “Hindiy tili va adabiyoti hamda Mahatma Gandi” mavzusida seminar o’tkazildi. Mazkur tadbirda professor K.Goyanka, R.Tekchandani, prof.Chandra Shekxarlar so’zga chiqib talabalarga Maxatma Gandi va Premchand haqida yangi ma’lumotlarni etkazdilar. Kafedra talabalari ham o’zlarining Maxatma Gandining hayoti, ijtimoiy faoliyati, o’gitlari bilan bog’liq mavzularda chiqishlar qildilar. Seminar yakunida institutda Premchand asarlari bo’yicha kitoblar ko’rgazmasi bo’lib o’tdi.

8 944

2019-yil 12-noyabr kuni Toshkent davlat sharqshunoslik institutiga Yaponiyaning Nagoya iqtisodiyot universiteti rektori Xaruo Saburi boshchiligidagi delegatsiya tashrif buyurdi. Tashrif doirasida Xaruo Saburi Nagoya iqtisodiyot universiteti faoliyati, universitet bitiruvchi talabalarini ish bilan ta’minlash tizimi to’g’risida ma’lumotlarni berib o’tdi. Shu o’rinda TDShI Xalqaro hamkorlik bo’yicha prorektori E.Maxmudov institut faoliyati, bugungi kunda yaponshunoslikning rivojlanishi, institutda “Yaponshunoslik” fakultetining tashkil etilganligi haqida ma’lumot berdi. Uchrashuv chog’ida Nagoya iqtisodiyot universiteti hamda TDShI o’rtasida iqtisodiyot yo’nalishi bo’yicha bakalavriat bosqichida qo’shma ta’lim dasturi “Double degree” loyihasi amalga oshirilishi hamda universitetlar o’rtasida hamkorlik o’rnatish masalalari muhokama qilindi. Mazkur uchrashuv yakunida har ikki oliy ta’lim muassasa vakillari uchrashuvdan minnatdor ekanliklarini bildirishdi. Shundan so’ng, yapon delegatsiyasi yapon tili kafedrasi va kutubxonasi bilan tanishishdi.

3434

2019-yilning 12-noyabrida Toshkent davlat sharqshunoslik institutiga Turkiya Respublikasining Xorijlik turklar va qavm jamiyatlar idorasi raisi A.Eren boshchiligidagi delegatsiya a’zolari tashrif buyurdi. Tashrif doirasida delegatsiya a’zolari faoliyati, bugungi kunda hamkorlikni yanada kengaytirish maqsadida Turkiya Respublikasi tomonidan ajratilayotgan ta’lim grantlari to’g’risida ma’lumotlarni berib o’tdi. Shu o’rinda TDShI rektori G.Rixsiyeva institutda bugungi kunda turkshunoslik sohasining rivoji, Turkiya Respublikasi oliy ta’lim muasasalari bilan o’rnatilgan hamkorlik haqida ma’lumot berdi. Uchrashuv chog’ida xorijlik turklar va qavm jamiyatlar idorasi raisi O’zbekiston Respublikasida turk tilini o’rganayotgan hamda tadqiqotlar olib borishni istaganlar uchun grantlar tashkil etish, ularning sonini oshirish istagi mavjud ekanligini bildirdi. Uchrashuv yakunida har ikki tomon o’z minnatdorchiligini bildirib, kelajakda hamkorlik aloqalarini rivojlantirishga umid bildirdi.

2019-yil 20-noyabr kuni Toshkent davlat sharqshunoslik institutiga Koreya Respublikasining KOICA tashkilotidan bir guruh a’zolar tashrif buyurishdi. Ikki tomonlama amalga oshirilgan uchrashuv Koreyashunoslik fakulteti dekani Sh.Usmanova tomonidan ochib berildi. So’ng mazkur fakultet o’qituvchisi A.Minsagitov tomonidan KOICA tashkiloti hamkorligida amalga oshirilgan malaka oshirish dasturi bo’yicha seminar-trening o’tkazildi. Uchrashuvning ikkinchi qismida tashkilot tomonidan malaka oshirish uchun turli dasturlar borligi haqida tashkilot xodimlari tomonidan ma’lumotlar berildi. Tashrif yakunida uchrashuvda ishtirok etgan fakultet o’qituvchi va talabalari tomonidan mazkur dasturlar yuzasidan qiziqtirgan savollarga javoblar berildi hamda hamkorlik uchun har ikki tomon minnatdorchilini bildirdi.

2019-yil 3-dekabr kuni Toshkent davlat sharqshunoslik institutiga O’zbekiston Respublikasidagi Koreya Respublikasining Favqulodda va Muxtor Elchisi Kan Chje Kvon boshchiligidagi delegatsiya a’zolari tashrif buyurishdi. Tashrifning birinchi qismida institut rektori hamda elchi janoblari o’rtasida qisqacha suhbat bo’lib o’tdi. Unda institut rektori G.Sh.Rixsiyeva tomonidan bugungi kunda institutda koreyashunoslik rivoji haqida ma’lumotlar berildi. Shuningdek, Koreya oliy ta’lim muassalari bilan davom etib kelayotgan hamkorlik masaalari muhokama qilindi. So’ng uchrashuvning ikkinchi qismida “Koreyashunoslik” fakulteti tomonidan tashkil etilgan “Koreya-O’zbekiston madaniyat muloqoti, adabiyoti muloqoti” mavzusidagi tadbirda ishtirok etishdi. Tadbirdan iliq taassurotlar bilan elchi janoblari institutda koreyashunoslik sohasining rivoji va o’rni uchun cheksiz minnatdorchiligini bildirdi.

2019-yil 4-dekabr kuni Yaponiyaning O’zbekistondagi Favqulodda va Muxtor Elchisi Yoshinori Fudjiyama boshchiligidagi delegatsiya a’zolari Toshkent davlat sharqshunoslik institutiga tashrif buyurishdi. Tashrifdan asosiy maqsad TDShIda Yaponshunoslik fakulteti rasmiy ochilish marosimida ishtirok etish hisoblanib, tashrif davomida institutda yapon tilini o’rganish masalalari haqida ham muzokaralar o’tkazildi. Elchi janoblari institutda yaponshunoslik sohasining rivojini bundanda yuksaklarga ko’tarishga umid bog’lab, uchrashuvdan juda mamnun ekanligini izhor etdi.

2019-yil 5-dekabr kuni Xitoy Xalq Respublikasining Shimoli-G’arbiy Minzu universiteti xodimlaridan iborat delegatsiya a’zolari Toshkent davlat sharqshunoslik institutiga tashrif buyurdi. Uchrashuvni TDShI rektori G.Sh.Rixsiyeva bugungi kunda xitoy tilini o’rganayotgan talabalar salmog’i haqida so’zlab ochib berdi. Shundan so’ng, Shimoli-G’arbiy Minzu universiteti xodimlari institutning tashkil topishi, faoliyati va kelgusidagi rejalari bilan o’rtoqlashdi. So’ng ikki tomon kelgusida TDShI va Shimoliy-G’arbiy Minzu universiteti o’rtasidagi hamkorlik aloqalarini rivojlantirish, talabalar almashinuvini yo’lga quyish to’g’risida muzokaralar o’tkazildi hamda o’z fikrlarini bildirishdi. Tashrif buyurgan oliy talim muassasa xodimlari uchrashuvda cheksiz minnatdor ekanliklarini izhor etib, hamkorlik aloqalari kelgusida yanada bardavom bo’lishiga ishonch bildirishdi.

2019-yil 23-dekabr kuni Pokiston Islom Respublikasi Ithat gazetasi muharriri Taxir Farrux Toshkent davlat sharqshunoslik institutiga tashrif buyurdi. Tashrifdan asosiy maqsad, O’zbekiston Respublikasida bo’lib o’tayotgan saylov jarayonlarida ishtirok etish ekanligini bildirdi. Tashrif davomida TDShIda ta’lim jarayonlari bilan ham qisqacha tanishib, urdu tili sohasi rivoji haqida ma’lumotlar olishdan iborat ekanlini ham keltirib o’tdi. Mazkur masalalar yuzasidan Taxir Farruxga institut xalqaro hamkorlik bo’yicha prorektori E.Maxmudov tomonidan ma’lumotlar berildi. Uchrashuv yakunida muharrir tashrifdan juda mamnun ekanligini bildirib, institut rahbariyatiga o’z minnatdorchiligini izhor etdi.

2020-yilning 7-yanvar kuni Toshkent davlat sharqshunoslik institutiga  Koreya Respublikasining Kyongdong universiteti rektori Djon Li boshchiligidagi delegatsiya a’zolari tashrif buyurdi. Uchrashuvda  o‘tgan davr mobaynidagi o‘zaro hamkorlikning asosiy yo‘nalishlari muhokama etildi va kelgusi hamkorlikning istiqbolli yo‘nalishlari belgilab olindi. Uchrashuvdan so‘ng Kyongdong universiteti rektori  Djon Li Koreyashunoslik fakultetining  Kyongdong universiteti bilan birgalikda tashkil etilgan  qo‘shma ta’lim dasturi doirasida tahsil olayotgan 1 kurs talabalari bilan uchrashuv o‘tkazdi. Tomonlar mazkur qo‘shma ta’lim dasturi doirasida tahsil olayotgan 9 nafar talabalarning 2020-yil yoz oyida Kyongdong universitetida 1 oylik stajirovka o‘tashlariga kelishildi.
photo_2020-06-29_12-30-49

2020-yilning 14-yanvar kuni Toshkent davlat sharqshunoslik institutiga Misr Arab Respublikasining O‘zbekistondagi elchixonasi rahbari o‘rinbosari Muxammad El Sukkari va elchixona birinchi kotibi Xalid Moxamed Fekriy tashrif buyurdilar.

Mazkur uchrashuvda TDShI rektori G.Rixsiyeva mehmonlarga institut tarixi va faoliyati haqida ma’lumot berdi. Xususan, institutda Arab filologiyasi kafedrasi 1944-yildan  faoliyatini boshlaganligi, 76 yil mobaynida 3000dan ortiq arabshunoslar  tayyorlangani, ulardan mashhur akademiklar, elchilar, jamoat  arboblari va tadbirkorlar yetishib  chiqqanlari xamda bugungi kunda TDShIda arab filologiyasi, tarix, falsafa, iqtisod va jahon siyosati yo‘nalishlarida 600ga yaqin talaba asosiy va ikkinchi til sifatida arab tilini o‘rganayotganliklari to‘g‘risida ma’lumot berdi.

Mazkur uchrashuv doirasida TDShI va Misr Arab Respublikasining oliy ta’lim muassasalari bilan hamkorlikni yangi pog‘onaga ko‘tarish bilan bog‘liq masalalar ko‘rib chiqildi va tegishli takliflar berildi. Shu o‘rinda Misrning Qohira universitetiga arabshunos talabalarni joriy yilning iyul-avgust oylarida arab tili bo‘yicha qisqa muddatli stajirovkaga yuborish masalasi bo‘yicha kelishib olindi.

photo_2020-06-29_12-18-52

2020 yil 21 va 29 yanvar kunlari Toshkent davlat sharqshunoslik institutiga “BALCOM” o‘zbek-yapon qo‘shma korxonasi delegatsiyasi, yapon kompaniyasi boshqaruv raisi boshchiligida Tetsuro Yamasaka, kompaniya direktori Tetsuxiro Yamasaka hamda mazkur kompaniyaning O‘zbekistondagi vakolatxonasi rahbari Takafumi Xigashi tashrif buyurdilar. Kompaniya a’zolari bilan rasmiy uchrashuvda Xalqaro hamkorlik bo‘yicha prorektor E.Maxmudov, xalqaro hamkorlik bo‘limi boshlig‘i A.Muxsinov, Yaponshunoslik fakulteti dekani E.Matchanov va Yapon filologiyasi kafedrasi mudiri N.Xalmurzayevalar qatnashdilar.

Uchrashuvda “BALCOM” kompaniyasi boshqaruv raisi Tetsuro Yamasaka nafaqat mazkur kompaniyaning rahbari, balki Xiroshima Universiteti Vasiylar Kengashining a’zosi sifatida ham, har ikkala tomon uchun o‘zaro manfaatli hamkorlik qilish masalalari ustida o‘z takliflarini bildirdi. Xalqaro hamkorlik bo‘yicha prorektor E.Maxmudov Xiroshima Universitetida TDShI professor-o‘qituvchilarining malaka oshirishlari va talabalar almashinuvi dasturlari borasida hamkorlik qilish taklifini berdi. Delegatsiya rahbari janob Tetsuro Yamasaka ushbu takliflarni Xiroshima Universiteti rektoriga yetkazib qo‘yishga va kelgusida amaliy yordam berishga va’da berdi.

Bundan tashqari kompaniya rahbarlari istiqbolda TDShI talabalarini kompaniyaning Yaponiyadagi ofislariga va O‘zbekistondagi vakolatxonasiga ishga taklif etish maqsadida  Yaponshunoslik Fakulteti 4-bosqich talabalari bilan bevosita Yaponiyada ishga joylashish masalalari haqida yapon tilida savol-javob tarzida suhbatlashdilar. Suhbat yakunida “BALCOM” kompaniyasi boshqaruv raisi Tetsuro Yamasaka talabalarning yapon tilini bilish darajalari uning taxmin qilganidan ancha yuqori ekanini e’tirof etdi.

photo_2020-06-29_12-13-56

   2020 yilning 30 yanvar kuni Toshkent davlat sharqshunoslik institutiga Indoneziyaning Favqulodda va Muxtor Elchisi Sunario Kartadinataning rahbarligida elchixona a’zolari tashrif buyurishdi.

Mazkur uchrashuvda TDShI rektori G.Rixsiyeva mehmonlarga institut tarixi, faoliyati hamda bugungi kundagi indonezshunoslik rivojlanishi haqida ma’lumot berdi. Shu bilan birga, institutda 2013 yildan beri faoliyat ko‘rsatayotgan “Indonez tili va madaniyati” markazi oldida kelgusida qo‘yilayotgan vazifalar haqida ham fikr almashildi.

Mazkur uchrashuv doirasida TDShI va Indoneziya oliy ta’lim muassasalari bilan hamkorlikni yangi pog‘onaga ko‘tarish bilan bog‘liq masalalar ko‘rib chiqildi va tegishli takliflar berildi. Shu o‘rinda Indoneziyaning Favqulodda va Muxtor Elchisi tomonidan indonez tilini o‘rganayotgan talabalar uchun TDShI Axborot-resurs markaziga 150ga yaqin kitoblar sovg‘a tariqasida taqdim etildi.

photo_2020-06-29_12-18-53 (3)

2020 yilning 31 yanvar kuni Toshkent davlat sharqshunoslik institutiga  Yaponiyaning “MITSUI” kompaniyasining Nursulton, Ostona va Toshkent shahridagi filiallari bosh direktori janob Xirosuke Matsuoka tashrif buyurdi. Uchrashuvda TDShI tomonidan Xalqaro hamkorlik bo‘yicha prorektor E.Maxmudov, Yaponshunoslk fakulteti dekani E.Matchanov, Yapon filologiyasi kafedrasi professor-o‘qituvchilari ishtirok etdilar.

Janob Xirosuke Matsuoka bilan o‘tkazilgan muzokara natijasida Yaponshunoslik fakulteti bitiruvchilarining ilmiy salohiyati va yapon tilini bilish darajalari yuqori ekanligini e’tirof etgan holda, “MITSUI” kompaniyasining Toshkent shahridagi vakolatxonasida doimiy ravishda ishlash uchun 1-2 nafar bitiruvchi talabani ishga olish masalasida  fikr almashildi. Kelgusida mazkur yo‘nalish bitiruvchi talabalar bilan davra suhbatlarida vakilning qatnashishi va istiqbolda Yaponshunoslik fakultetining moddiy-texnik bazasini va mutaxassislikka doir o‘quv adabiyotlari bilan yangilashga ko‘mak berishi kelishib olindi.

photo_2020-06-29_12-18-542020 yil 2 mart kuni O‘zbekistondagi Hindiston elchixonasi va L.B.Shastri nomidagi Hindiston madaniyat markazi TDShI “Janubiy va Janubi-Sharqiy Osiyo tillari” kafedrasi qoshidagi Maxatma Gandi hindshunoslik markaziga 5.500 AQSh dollari qiymatidagi elektron doskani sovg‘a qildi. Kompyuter, televizor, proyektor, radio va boshqa bir qancha vazifalarni bajaruvchi ushbu doska talabalarga hindiy tilini chuqur o‘rganish, ayniqsa, internet yordamida hindiy tilini jonli tinglash va bu orqali talaffuzni yaxshilash, hind madaniyati, urf-odatlarini o‘rganish kabilarni o‘zlashtirishda juda yaxshi va qulay amaliy yordam ko‘rsatadi.

Elektron doskani rasmiy topshirish uchun L.B.Shastri nomidagi Hindiston madaniyat markazi direktori, professor Chandra Shekxar janobi oliylari TDShIga tashrif buyurdilar. Doskani qabul qilish jarayonida TDShI halqaro hamkorlik bo‘yicha prorektori E.Maxmudov, halqaro hamkorlik bo‘limi boshlig‘i A.Muhsinov, “Janubiy va Janubi-Sharqiy Osiyo tillari” kafedrasi mudiri U.Muxibova, kafedra o‘qituvchilari va talabalar ishtirok etdilar.

photo_2020-06-29_12-18-54 (2)2020-yilning 9-mart kuni Toshkent davlat sharqshunoslik institutiga Boltiq halqaro akademiyasi senati raisi professor Stanislav Buka tashrif buyurdi. Mazkur uchrashuvda TDShI rektori G.Rixsiyeva mehmonga institut faoliyati va tarixi haqida ma’lumot berdi. Suhbat davomida TDShI va Boltiq halqaro akademiyasi bilan hamkorlikni yangi pog‘onaga ko‘tarish bilan bog‘liq masalalar muhokama qilindi va tegishli takliflar berildi. Uchrashuvda TDShI va Boltiq halqaro akademiyasi bilan magistraturada qo‘shma ta’lim dasturini yo‘lga qo‘yish masalasi ko‘rib chiqildi. Uchrashuv so‘ngida Stanislav Buka O‘zbekistonda oliy ta’lim sohasida olib borilayotgan izchil islohotlarga yuqori baho berdi.

photo_2020-06-29_12-18-54 (3)

2020 yil 22 aprel kuni TDShUda “Pandemiyaga qarshi kurash sharoitida xalqaro hamkorlik: O’zbekiston va xalqaro tajriba” mavzusida xalqaro onlayn davra suhbati tashkil etildi. Mazkur ilmiy-amaliy anjumanda o’zbekistonlik sharqshunos olimlar bilan bir qatorda Rossiya Federatsiyasi Fanlar Akademiyasining Sharqshunoslik instituti ilmiy xodimlari S.Pritchin, A.Vorobyev, N.Mendikovich, Oltoy davlat universiteti professori, t.f.d. V.Boyko, AQShning Xavfsizlik masalalarini o’rganish Yevropa markazi professorlari G. Gleason, Pol Dunay, Milliy mudofaa universiteti professori B.Todd hamda Tennesi universiteti professori A.Korobkov, Sloveniyaning «Mintaqaviy muloqot» xalqaro markazi direktori M’yusha Sever, Lyublyana Tibbiyot universiteti professori va Sloveniyaning koronavirusga qarshi kurash kengashi eksperti B.Beovich, Qozog’iston Milliy universiteti dotsenti J.Bayzakova, Germaniya-Qozog’iston universiteti professori Sebastian Meyer, Misrning «Al-Hivor» siyosiy tadqiqotlar markazi direktori Ahmad Tohir o’zlarining ma’ruzalari bilan ishtirok etishdi.

11

2020 yil 26-29 aprel kunlari Rossiya Federatsiyasining Moskva shahrida ekspertlar, davlat muassasalari va ishbilarmon doiralar tomonidan ma’ruzachilari ishtirokida ma’rifiy tadbirlarning Moskva xalqaro ta’lim saloni onlayn translyatsiyasi bo’lib o’tdi. Mazkur ta’lim saloni Rossiya va dunyodagi hozirgi va kelajakdagi ta’lim tizimining dolzarb masalalari bo’yicha ta’lim va ekspertlar hamjamiyatlari, davlat idoralari va ishbilarmon doiralar o’rtasida muloqotni rivojlantirish uchun platforma hisoblanadi. Rossiya Federatsiyasining rasmiy taklifiga ko’ra O’zbekiston OTMlari qatorida TDShU professor-o’qituvchilari, xodim, tadqiqotchi va talabalar ishtirok etishdi. Shu jumladan, 2020 yil 28 aprel kuni TDShU xalqaro hamkorlik bo’yicha prorektori E.Maxmudov “Rossiya ta’lim eksporti: Rossiyaga xorijiy fuqarolarni o’qishga jalb qilish yo’l-yo’riqlari” mavzusidagi ma’ruzasi bilan ekspertlar va ma’ruzachilar davra suhbatida faol ishtirok etdi.

21

2020 yil 13 may kuni TDShU Sharq filologiyasi fakulteti “Tarjimashunoslik” kafedrasi o’qituvchisi N.Xodjaeva tashabbusi bilan “Gumanitar sohalarda tadqiqot ishini yozish masalalari” mavzusida xalqaro onlayn vebinari bo’lib o’tdi. Mazkur tadbirga Hindistonning Gujarat Markaziy universiteti, Diaspora markazi assistent professori Sajaudeen Nijamodeen Chapparban ma’ruzachi sifatida taklif qilindi. Ushbu tadbirda TDShU, Hindiston, Buyuk Britaniya va BAAning etkachi universitetlaridan professor-o’qituvchi, doktorant, magistrant va soha mutaxassislari ishtirok etishdi.

212

2020-2021 o’quv yilidan 1 kurs talabalarini kredit-modul tizimida o’qitishni joriy etish bo’yicha xorijiy hamkor OTMlari tajribalari o’rganildi. Universitet rahbar xodim va professor-o’qituvchilari uchun turkum vebinarlar tashkil etildi. Xususan, 2020 yil 15 may kuni Koreya Respublikasining yetakchi universitetlarida faoliyat olib borayotgan hamyurtlarimiz professor A.Dedaxanov (Yongnam universiteti) va lektor-o’qituvchi A.Axmedov (Kyung Xi universiteti), 22 may kuni AQShning Kolumbiya universiteti professori A. Shonazarova, Vengriyaning Korvinus universiteti tadqiqotchisi M.Qurbonova, Kanadaning Nyu-Bransuik universiteti dotsenti V.Urinovlar, 29 may kuni Yaponiyaning Nagoya iqtisodiyot universiteti dotsenti Alisher Umirdinov, Turkiyaning Istanbul universiteti o’qituvchisi Ma’mura Mamatqulova va Buyuk Britaniyaning Salford universiteti fan doktori Svetlana Nasibyanlar tomonidan onlayn vebinarlar tashkil etildi. Mazkur vebinarlarda nafaqat TDShU, balki respublikadagi boshqa OTM vakillari ham ishtirok etdilar.

222

2020 yil 26 may kuni MDH mamlakatlari universitetlarining COVID-19 pandemiyasining Hamdo’stlik mamlakatlari iqtisodiyotiga ta’siri mavzusiga bag’ishlangan xalqaro videokonferentsiyasi bo’lib o’tdi. Ushbu anjuman Toshkent davlat sharqshunoslik universiteti tashabbusi bilan M.V.Lomonosov nomidagi Moskva davlat universitetining Osiyo va Afrika mamlakatlari instituti, Sankt-Peterburg davlat universiteti, Belarus davlat universiteti, Ozarbayjoning Baku davlat universiteti, Armanistoning Yerevan davlat universiteti, Moldaviyaning Moldova davlat universiteti, Al-Farobiy nomidagi Qozog’iston milliy universiteti, Tojikiston milliy universiteti hamda Qirg’izistoning O’sh davlat universitetlari hamkorligida tashkil qilindi.

54545

55555554424

2020 yil 28 may kuni Yaponiyaning ta’lim kredit tizimini o’rganish maqsadida “Kredit-modul ta’lim tizimi: Yaponiya tajribasi” mavzusida vebinar tashkil etildi. Mazkur tadbirda Nagoya universiteti professori Shoxey Nishizaka, hamda Yaponiya universitetlarida tahsil olayotgan va ilmiy-tadqiqot ishlarini olib borayotgan TDShU talaba va tadqiqotchilarimizdan Tsukuba universiteti doktoranti Nozima Yo’ldosheva, magistrant Bahrom Xojimuhamedov, shuningdek, Tokio chet tillari universiteti magistranti Yun Eleonora ham o’z ma’ruza va taqdimotlari bilan qatnashishdi.

5555555

2020 yil 29 may kuni “O’zbekiston Respublikasida Oliy ta’limning: pandemiya sharoitida rivojlanishi” mavzusidagi Moskva xalqaro ta’lim salonida vebinar tashkil etildi. Unda TDShU rektori G.Sh.Rixsieva o’z ma’ruzalari bilan ishtirok etdilar. Mazkur tadbirda TDShUning Xalqaro hamkorlik bo’yicha prorektori E.Maxmudov moderator sifatida qatnashdi.

2424

272

225252

2020-yil 7-iyun kuni Hindistonning  Mumbay shahridagi “Adabiyot va madaniyat tadqiqotlari markazi” tomonidan xalqaro miqyosda “Ramayana entsiklopediyasining yaratilishi” mavzuida jahon miqyosida Ramayana eposining o’rganilishi masalasiga qaratilgan vebinari tashkil qilindi. Mazkur tadbirda TDShU professor-o’qituvchilaridan U.Muhibova, S.Nurmatov, G.Shermatova, M.Isxakov va U.Abdullaevlar ishtirok etdi. Ushbu vebinarda TDShU “Janubiy va Janubiy-Sharqiy Osiyo tillari” kafedrasi mudiri f.f.n., dots.U.Muhibova “Ramayana eposining O’zbekistonda o’rganilishi” hamda “Xorijiy sharq mamlakatlari adabiyoti” kafedrasi o’qituvchisi G.Shermatova “Syujet «Ramayani» kak arxetip v kontekste malayskoy literaturi” mavzularida ma’ruzalari bilan ishtirok etishdi.

57525

2020 yil 8 iyun kuni Hindistonning «Shodh Ritu» ilmiy jurnali bosh muharriri Doktor Sunil Jadhav tomonidan tashkil etilgan xalqaro vebinarda TDShU “Janubiy va Janubi-Sharqiy Osiyo tillari” kafedrasi dotsenti S.Nurmatov Toshkent davlat sharqshunoslik universitetida hindshunoslikni rivojlantirishga bag’ishlangan ma’ruzasi bilan ishtirok etdi.

572752

TDShU va Niderlandiyaning Leyden universiteti o’rtasidagi hamkorlik bitimiga muvofiq hamda ta’lim muassasalari o’rtasida amalga oshirilayotgan Erasmus+ loyihasi doirasida TDShU “Eron-afg’on filologiyasi” kafedrasida ilmiy stajyor hamda o’qituvchi sifatida faoliyat yuritgan Leyden universiteti doktoranti Comstock-Skipp Jaimee 2020 yilning 11 iyun kuni TDShU Yosh olimlari kengashi hamda Abu Rayxon Beruniy nomidagi Sharqshunoslik instituti hamkorligida “Bilimkent” onlayn seminar ma’ruzalari doirasida “Yangi asr, yangi sulola: Tuqay-Temuriylar (Ashtarxoniylar)ning Samarqandga ko’chirilgan Shohnoma nusxalari” mavzuidagi onlayn vebinari tashkil etildi.

0202

TDShUning “Turkiy tillar” kafedrasi 2020 yil 15 iyun kuni Turkiyadagi hamkor universitetlar bilan “Til o’qitishda zamonaviy metodlarning ahamiyati” mavzusida vebinari tashkil etildi. Tadbirda G’ozi universitetining professori, filologiya fanlari doktori Fatma Achik “Xorijiy tilni o’qitishda pedagog qo’llaydigan metod va strategiyalar” mavzusida, Anqara universitetining professori, filologiya fanlari doktori Aynur O’z O’zjan “Turkiyada o’zbek tilini o’qitish metodlari” mavzusida o’zbek tilida ma’ruza qildilar.

2020-yil 17-iyun kuni TDShUning turkshunoslik sohasidagi professor-o’qituvchilari hamda TurkiyaningMarmara universiteti “Turkshunoslik” ilmiy-tadqiqot instituti direktori, professor Okan Yeshilot boshchiligida uning jamoasi bilan onlayn uchrashuv o’tkazildi. Unda turkshunoslik sohasida universitetlar o’rtasidagi hamkorlik va istiqbolli rejalar muhokama qilindi.

050750

2020 yil 20 iyun kuni TDShUning “Janubiy va Janubi-Sharqiy Osiyo tillari” kafedrasi mudiri prof. U.Muhibova Hindistondagi J.Neru universiteti professor-o’qituvchilari tomonidan “Adabiyot nima” mavzusidagi xalqaro vebinarda “Adabiyot hayot ko’zgusi” mavzusida ma’ruza bilan ishtirok etdi. Vebinarda J.Neru universiteti professori Devendr Chaubey hamda 10 nafarga yaqin Bixar shtati, Shri Lanka, Dehli universiteti pofessorlarining ma’ruzalari tinglandi.

750000

2020 yil 26 iyun kuni TDShU Xitoyshunoslik fakultetida “Xitoy Xalq Respublikasi (XXR) Oliy ta’lim kredit tizimi bo’yicha talabalarni baholash va o’qitishning yangi metodlari” mavzusida vebinar o’tkazildi. Mazkur vebinarda ma’ruzachi sifatida XXRning 4 universitetidan 5 nafar professor-o’qituvchilar va ilmiy tadqiqotchilar quyidagi mavzularda o’z ma’ruzalari bilan qatnashdilar:

– “XXR oliy ta’lmida kredit tizimi: ijobiy va salbiy xususiyatlari” – Li Zunxun, Lanchjou universiteti professori;

– “Kredit tizimi va o’qitishning yangi metodlari (Yunnan pedagogika universiteti misolida)” – Li Yamey, Yunnan pedagogika universiteti professori;

– “Xitoy mumtoz she’riyatining chet ellik talabalarga xitoy tilini o’qitishdagi ahamiyati” – Yang Lizhen, Lanchjou universiteti dotsenti;

– “Jinan universitetida talabalarni baholash mexanizmi” – Chi Daojia, Jinan universiteti katta o’qituvchisi;

– “Shanxay universitetida talabalar bilan ishlashning zamonaviy texnologiyalari” – B.Akbarov – Shanxay universiteti PhD doktoranti.

Shuningdek, ushbu vebinarda TDShU, O’zMU, O’zDJTU, SamDChTI professor-o’qituvchilari, ilmiy tadqiqotchi, magistrant va talabalari ishtirok etishdi.

707000 20022

2020 yil yil 29 iyun – 2 iyul kunlari TDShUda “Arab filologiyasi” kafedrasi tomonidan xalqaro ekspertlar ishtirokida “Pandemiya sharoitida arab tili o’qitish masalalari” mavzusidagi xalqaro vebinarlar haftaligi o’tkazildi. Joriy yilning 29 iyun kuni xalqaro ekspertlardan yaman fuqarosi, Rossiya Federatsiyasining Qozon federal universitetida faoliyat yuritayotgan prof. Muhammad al-Ammariy, Moskva Oliy iqtisodiy maktabi dotsenti Larisa Chuprigina; 30 iyun kuni Misrning Qohira universitetdagi Arab tilida gaplashmaydiganlar uchun til o’qitish markazidan doktor Mustafo Orabiy, Iroqning Bag’dod universiteti professori Javod al-Biydoniylar; 1 iyul kuni Armaniston davlat universitetidan doktor Setrik Xofsepyan, Rossiya Federatsiyasining Qozon federal universiteti dotsenti Syumbel Sabitov, Misrning Qohira universiteti Xalqaro til o’qitish markazi direktori, prof. Imon Xureydiy; 2 iyul kuni AQShning Nyu-Meksika universiteti dotsenti Emma Trentlik hamda Toshkent davlat sharqshunoslik universiteti professori Shorustam Shomusarovlar ishtirok etishdi. Mazkur tadbirda COVID-19 pandemiyasining karantin sharoitida o’z oliy ta’lim muassasalarida masofaviy o’qitish bo’yicha yutuq va muammolarga qaratilgan bo’lib, unda mazkur professor-o’qituvchilar va mutaxassislar tomonidan tilni onlayn o’qitish masalalari, arab tilini o’qitishda yangi pedagogik texnologiyalari bilan tajriba almashish, universitetlarda arab tili o’qitishning yangi yo’nalishlari, yangi uslublari namoyish etildi. Shuningdek, ushbu tadbirda Marokko hamda Ozarbayjonning oliy ta’lim muassasalaridan arabshunoslar mutaxassislar qatnashdilar. Tadbir so’nggida TDShU huzurida Misrning Qohira universiteti Xalqaro til o’qitish markazi bilan hamkorlikda TDShUda uning filialini tashkil etish masalasi ham muhokama qilindi

002420

2020 yil 3 iyul kuni “Markaziy Osiyo va Rossiya: xorijiy abiturientlarni qabul qilish-2020” mavzusidagi Moskva Xalqaro ta’lim salonida TDShU tashabbusligida Markaziy Osiyo mamlakatlari universitetlarining ilk marotaba xalqaro videokonferentsiyasi tashkil etildi. Mazkur tadbirda O’zbekistondan TDShU xalqaro hamkorlik bo’yicha prorektori E.Maxmudov 2020-2021 o’quv yilida universitetga xorijiy abiturientlarni qabul qilish bo’yicha o’z ma’ruza va taqdimoti bilan ishtirok etdi.

405050 051202

2020 yil 4 iyul kuni TDShUning “Janubiy va Janubiy-Sharqiy Osiyo tillari” kafedrasi doktoranti, fil.f.n. S.S.Nurmatov Hindistonning yetakchi universitetlaridan biri Javaharlal Nehru universitetining professor-o’qituvchilari tomonidan “Adabiyot nima?” mavzusida tashkillashtirilgan vebinarda ishtirok etdi. Ushbu vebinarda hindistonlik Chitra Mudgal, Nidhi Shri, Amir Hamza, Arti Kumari, Dipak Ray, Sarfaraz Ahmad, Vinay Bhushan, Nilam, shuningdek, mavrikiyalik Vinay Gudariy kabi olimlarning ma’ruzalari qatorida TDShU hindshunos olim Sirojiddin Nurmatov ham “Til va adabiyotning uzviy bog’liqligi” mavzusida ma’ruzasi bilan qatnashdi.

12120120

2020 yil 7 iyul kuni TDShUda bitiruvchi talaba va magistrantlarga diplom topshirish marosimi ilk bor onlayn tarzda bo’lib o’tdi. Mazkur tadbirda xorijiy mamlakatlarning O’zbekistondagi diplomatik missiyalar rahbarlaridan – Yaponiya, Xitoy, Koreya Respublikasi, Turkiya, Hindiston, Indoneziya, Misr, Eron davlatlarining mamlakatimizdagi Favqulodda va Muxtor elchilari ham ishtirok etib, bitiruvchilarga o’z tabriklarini yo’lladilar.

001202

2020 yil 9 iyul kuni Xavfsizlikni o’rganish bo’yicha George Marshal nomidagi Yevropa Markazi tomonidan koronavirus pandemiyasining Markaziy Osiyo mamlakatlari uchun oqibatlari xavsizligiga bag’ishlangan video konferentsiya tashkil etildi. Unda TDShUdan s.f.d., prof. S.Jo’raev ishtirok etdi.

                                                                   0120201 012012012

2020 yil 11-23 iyul kunlari TDShUning “Eron-afg’on filologiyasi” hamda “Mumtoz filologiya va adabiy manbashunoslik” kafedralari professor-o’qituvchilari Eronning “Alloma Tabotaboiy” universiteti tomonidan “Fors tilini chet elliklarga o’qitish: CEFR talablari asosida” mavzuida masofaviy tarzda malaka oshirish oyligini o’tadilar. Mazkur tadbirda 13 nafar professor-o’qituvchilar tegishli sertifikatlarga ega bo’ldilar.

012010

2020 yil 27-29 iyul kunlari Toshkent davlat sharqshunoslik universitetining “Arab filologiyasi” kafedrasi o’qituvchisi Umarova Nodira Iroqning Ta’lim, madaniyat va fan bo’yicha milliy qo’mitasi tomonidan tashkil etilgan inqiroz sharoitida ilmiy va madaniy merosni saqlash bo’yicha ikkinchi xalqaro ilmiy konferentsiyada “O’zbekistondagi qadimiy sharq qo’lyozmalari fondi” mavzusidagi o’z ma’ruzasi bilan ishtirok etdi va tegishli sertifikat bilan taqdirlandi. Konferentsiya quyidagi mavzularda o’tkazildi: “Pandemiya davrida merosni saqlab qolish”, “Urush davrida ilmiy va madaniy merosni saqlash” hamda “Iqtisodiy inqiroz sharoitida ilmiy va madaniy merosni saqlash”. Ushbu konferentsiya onlayn tarzda o’tkazilib, unda Iroq, boshqa Arab mamlakatlari va xalqaro universitetlardan professor-o’qituvchi va mutaxassislar ishtirok etishdi.

                                             420420 42020

2020 yil 17 avgust kuni TDShUda “Mumtoz filologiyasi va adabiy manbashunoslik” kafedrasi tashabbuskorligida Turkiya universitetlarida pedogogik faoliyat yuritayotgan TDShUning sobiq talabalaridan Karabuk universiteti Turk tili va adabiyoti bo’limi o’qituvchisi, Turk dunyosi tadqiqot markazi mudiri o’rinbosari, falsafa doktori (PhD) Boltaboyev Saidbek hamda Ege universiteti Turk tili va lahjalar bo’limi tadqiqotchisi Umarov Avazxonlarning “Yevropa kredit va transfer tizimi” mavzuida onlayn vebinari tashkil etildi. Mazkur tadbirda universitet jamoasi ishtirok etdi.

2020 yil 5-25 avgust kunlari Toshkent davlat sharqshunoslik universitetining “Xitoy filologiyasi” kafedrasi professor-o’qituvchilari TDShU qoshidagi Konfutsiy nomidagi O’zbek-Xitoy instituti ko’magida Xitoy Xalq Respublikasining Pekin pedagogika universiteti tomonidan tashkil etilgan xitoy tili o’qituvchilari uchun malaka oshirish kurslarida ishtirok etdilar. Ushbu vebinarning ma’ruzalari xitoy tilini o’qitishning zamonaviy muammolariga bag’ishlangan bo’lib, unda Pekin pedagogika universitetining Xalqaro madaniyat fakulteti professor-o’qituvchilari ishtirok etishdi. Tadbir so’ngida, o’qituvchilarga malaka oshirish kurslarini o’tganligi to’g’risida sertifikatlar taqdim etildi.

hhghg

 

20.10.2020, 10:33 1545

    Spelling error report

    The following text will be sent to our editors: