Yoshlar bilan samimiy muloqot
Rektor va yoshlar uchrashuvi doirasida 2026-yil 16-aprel kuni Toshkent davlat sharqshunoslik universitetida alohida toifadagi yoshlar va jinoyatchilikning oldini olishga qaratilgan norasmiy uchrashuv bo‘lib o‘tdi.
Universitet rektori, professor Gulchehra Rixsiyeva ishtirokida universitet hovlisida e’tiborga muhtoj, tarbiyasi og‘ir yoshlar bilan bir piyola qahva ustida samimiy suhbat tashkil etildi. Suhbat davomida yoshlarni qiynayotgan muammolar tinglanib, ularni joyida hal etish bo‘yicha aniq vazifalar belgilandi.
Shundan so‘ng yoshlar uchun universitet tarixi bilan yaqindan tanishtirish maqsadida foyedagi ko‘rgazmalar hamda universitet muzeyiga interaktiv ekskursiya uyushtirildi.
Tadbir yakunida Toshkent davlat sharqshunoslik universiteti hamkorligida suratga olingan “Ogahiy” hujjatli filmi namoyish etildi.
Ijtimoiy tarmoqlar:
