“Sharq mamlakatlarining raqamli iqtisodiyotga o’tish tajribasi: Imkoniyatlar va muammolar” mavzusida Respublika ilmiy-amaliy anjumani bo’lib o’tdi.
Mamlakatimizda ilm-fanni yanada ravnaq toptirish, yoshlarimizni chuqur bilim, yuksak ma’naviyat va madaniyat egasi etib tarbiyalash, raqobatbardosh iqtisodiyotni shakllantirish borasida dadil qadamlar tashlandi.
Zero, o‘tgan “Ilm, ma’rifat va raqamli iqtisodiyotni rivojlantirish yili” O‘zbekiston hayotida global taraqqiyotga hamohang ravishda tarixiy burilish davri boshlanganini tasdiqladi.
Bugun, 10-aprel kuni TDSHUda “Sharq mamlakatlarining raqamli iqtisodiyotga o’tish tajribasi: Imkoniyatlar va muammolar” mavzusida Respublika ilmiy-amaliy anjumani bo’lib o’tdi. Mazkur anjuman universitet rektori G.Rixsiyeva tomonidan ochib berildi.
Anjumanda yurtimizdagi oily ta’lim muassasalari rahbarlari va yana ko’plab soha vakillari o’z ma’ruzalari bilan qatnashdilar.
Anjumanda raqamli iqtisodiyot shakllanishining ilmiy, nazariy va uslubiy asoslari, O‘zbekistonda raqamli iqtisodiyot shakllanishi omillari, shart-sharoitlari va istiqbollari, Sharq mamlakatlarining raqamli iqtisodiyotga o‘tish tajribasi va undan O‘zbekistonda foydalanish imkoniyatlari, raqamli iqtisodiyot rivojlanishida axborot texnologiyalari va innovasiyalarning o‘rni va roli kabi masalalar muhokama qilindi.👇🏻
Ijtimoiy tarmoqlar:
