Ishonch telefoni / Call center
+998 71 233 34 24 / +998 71 233 34 28

  • UZRUEN
  • uzbekistan flag uzbekistan emblem

Toshkent davlat sharqshunoslik universitetida Korrupsiyaga qarshi kurashish “Komplaens nazorat” tizimini boshqarish bo‘limi tomonidan 2022-yil davomida amalga oshirilgan ishlar yuzasidan HISOBOT

Toshkent davlat sharqshunoslik universiteti Korrupsiyaga qarshi kurashish “Komplaens nazorat” tizimini boshqarish bo‘limining chora-tadbirlar rejasiga asosan universitet xodimlari, professor-o‘qituvchilari hamda talabalari orasida korrupsiyani oldini olish va unga karshi kurashish bo‘yicha profilaktik tadbirlar va davra suhbatlari o‘tkazildi. Jumladan:

4 ta davra suhbatlari;

1 ta seminar-treninglar;

12 ta uchrashuvlar tashkil qilingan.

Mazkur tadbirlarda universitetning 2170 nafar talabalari hamda
95 nafar professor-o‘qituvchilari ishtirok etdilar.

Talabalar turar joylariga talabalarni joylashtirish bo‘yicha amalga oshirilgan ishlarni universitetning yoshlar masalalari va ma’naviy-ma’rifiy ishlar bo‘yicha prorektori bilan hamkorlikda monitoringi olib borildi.

Universitet tomonidan qabul qilinayotgan buyruq va boshqa me’yoriy xujjatlarda manfaatlar to‘qnashuvi hamda korrupsiyaviy huquqbuzarliklarni oldini olish maqsadida bo‘lim tomonidan doimiy monitoring olib borilmoqda.

Shuningdek, universitet professor-o‘qituvchilari, xodimlari va talabalari uchun korrupsiya xolatlari bo‘yicha xabar qilish imkoniyatini beruvchi, murojaatlarni qabul qilish va ko‘rib chiqish bo‘yicha bo‘lim tomonidan ishonch telefon raqami, @tsuosanticorruptionbot tashkil etilgan.

Toshkent davlat sharqshunoslik universiteti ta’lim sifatini nazorat qilish bo‘limi va Korrupsiyaga qarshi kurashish «Komplaens nazorat» tizimini boshqarish bo‘limi  xodimlari hamkorlikda qishqi semestr yakunlari bo‘yicha talabarlardan so‘rovnomalar o‘tkazib kelinmoqda.

So‘rovnomalar   natijalarini   kollegial   tarzda muhokama    qilish tizimi yo‘lga qo‘yilgan.

Unga ko‘ra,    aniqlangan    salbiy    holatlarni bartaraf etish  bo‘yicha zaruriy tadbirlarni  amalga oshirish belgilangan.

Toshkent davlat sharqshunoslik universitetida Korrupsiyaga qarshi kurashish bo‘yicha 2021-2022-yillarga mo‘ljallangan Davlat dasturining 43-bandida belgilangan yoshlarga korrupsiyaga qarshi kurashish sohasida huquqiy ta’lim berish bo‘yicha kompleks chora-tadbirlar rejasining 3-bandida “Ta’lim muassasalarida “Yoshlar korrupsiyaga qarshi” 10 kunligini tashkil etish” bo‘yicha quyidagi ishlar amalga oshirildi:

Universitet professor-o‘qituvchilari, xodimlari hamda talaba-yoshlari o‘rtasida #BIZKORRUPSIYAGAQARSHIMIZ heshtegini ijtimoiy tarmoqlarda ommalashtirish maqsadida foto tanlov tashkil etildi.

2022 yilning 9 dekabr Xalqaro korrupsiyaga qarshi kurashish kuni munosabati bilan universitetda video roliklar tanlovi tashkil etildi. Unda talaba-yoshlar korrupsiyaning salbiy oqibatlarini aks ettiruvchi video roliklar bilan ishtirok etishdi.

Mazkur tanlovlarda barcha fakultetlaridan 100 nafardan ortiq talaba-yoshlar ishtirok etishdi. Tanlov  tashkiliy qo‘mita a’zolari va ekspertlar tomonidan baholab borilib, tanlovlarda munosib ishtirok etib, faxrli 1-2-3 o‘rinlarni qo‘lga kiritgan yoshlarga diplom va esdalik sovg‘alarini tantanali ravishda taqdim etildi.

Universitetning Korrupsiyaga qarshi kurashish “Komplaens nazorat” tizimini boshqarish bo‘limi xodimlari tomonidan “Korrupsiya rivojlanishimizga to‘siq” mavzusida ochiq darslar tashkil etildi.

2022 yilning 9 dekabr kuni “Korrupsiya rivojlanishimizga to‘siq” mavzusida davra suhbati tashkil etildi. Tadbirda Oliy Majlis huzuridagi Qonunchilik muammolari va parlament tadqiqotlari instituti bo‘limi boshlig‘i, yuridik fanlar bo‘yicha falsafa doktori Sh.Joldasova, O‘zbekiston Respublikasi Adliya vazirligi qoshidagi Yuristlar malakasini oshirish markazi dotsenti R. Shakurov, universitetning korrupsiyaga qarshi kurashish “Komplaens nazorat” tizimini boshqarish bo‘limi boshlig‘i A.Nazarov o‘z ma’ruzalari bilan ishtirok etdilar.

Shuningdek, 13 dekabr kuni «Yangi O‘zbekiston» ijtimoiy-siyosiy gazetaning – №253 sonida “Halol davlat xizmatchisini tayyorlash korrupsiyasiz oliy ta’limning taraqqiyotga qo‘shadigan eng katta hissasidir” sarlavhasi ostida  maqola chop etildi.

photo_2023-08-01_16-33-25 photo_2023-08-01_16-33-26

02.08.2023, 11:14 563