Xalqaro Eron tadqiqotlari instituti va UPSI bilan hamkorlik
2023-yil 11-iyul kuni Saudiya Arabistonida birinchi va dunyoda 169-o‘rinni turuvchi Xalqaro Eron tadqiqotlari instituti (Rasana) asoschisi va prezidenti doktor Muhammad al-Sulamiy va Toshkent davlat sharqshunoslik universiteti rektori professor Rixsiyeva Gulchehra Shavkatovna o‘rtasida TDSHU da uchrashuv boʻlib oʻtdi. Unda tomonlar ta’lim, ilmiy-tadqiqot va kadrlar tayyorlash sohalarida hamkorlikning mumkin bo‘lgan usullarini muhokama qildilar.
https://rasanah-iiis.org/english/news/mou-activated-between-rasanah-and-tsuos/
Bundan tashqari, 2023-yil 15-sentabr kuni TDSHUga Malayziyaning hamkor universitetlaridan biri –Sulton Idris taʼlim universiteti (Sultan Idris Education University – UPSI) vakillari tashrif buyurdi. Tashrif doirasida ikki oliy ta’lim muassasasi o‘rtasidagi hamkorlikni takomillashtirish, qo‘shma dasturlarni ishlab chiqish, universitetimiz “Malay tili” markazini yangi formatga olib chiqish bo‘yicha muzokaralar olib borildi. Sulton Idris taʼlim universiteti vakillari TDSHU “Malay tili” markazi kutubxonasiga yangi adabiyotlar sovg‘a qildi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
