“PhD sari qadam” loyihasi
2025 yil 11 avgust aasia TDSHUda Yoshlar ishlari agentligi va Respublika Yosh olimlar kengashi tomonidan “PhD sari qadam” mavzusidagi ilmiy-amaliy seminar hamda loyihaning ochilish marosimi o‘tkazildi.
Ma’lumot o‘rnida “PhD sari qadam” loyihasining 3-mavsumiga 900 nafar yosh tadqiqotchi ayol-qizlar ro‘yxatdan o‘tib, ulardan 100 nafar ishtirokchilar saralab olindi. Iqtidorli va ilmiy tadqiqot ishlari bilan yuqori natijalarga erishayotgan tadqiqotchi ayol-qizlar faoliyatini rivojlantirish hamda ularning faoliyat jarayonida egallagan bilim, ko‘nikma, malakalarini yanada mustahkamlash maqsadida tashkil etilgan ilmiy-amaliy seminarda 100 nafarga yaqin ilmiy tadqiqotchilar, magistrant, doktorantlar va OAV vakillari ishtirok etdi.
Mazkur ilmiy-amaliy seminar va “PhD sari qadam” loyihasining ochilish marosimi SDG 4 – Sifatli ta’lim maqsadlarini amalga oshirishga xizmat qiluvchi muhim ommaviy tadbir sifatida tashkil etildi. Ushbu tashabbus orqali iqtidorli yosh tadqiqotchilar, ayniqsa ayol-qizlarning ilmiy salohiyatini rivojlantirish, ularning zamonaviy bilim va ko‘nikmalarini mustahkamlash hamda ilm-fan sohasida faol ishtirokini kengaytirish ko‘zda tutilgan. Seminar doirasida ilmiy tajriba almashinuvi, akademik rivojlanish uchun zarur kompetensiyalarni shakllantirish va doktorantura bosqichiga tayyorgarlik jarayonlarini qo‘llab-quvvatlash orqali inklyuziv va sifatli ta’lim imkoniyatlari kengaytirildi. Natijada, ushbu tadbir yoshlarning uzluksiz ta’limga jalb etilishi va ilmiy faoliyatga yo‘naltirilishida muhim platforma vazifasini bajardi.
https://tsuos.uz/en/phd-sari-qadam-mavzusidagi-ilmiy-amaliy-seminar/
Ijtimoiy tarmoqlar:
