TDSHUga “Ma’rifat ulashib” adabiy loyihasi doirasida O‘zbekiston yozuvchilar uyushmasi a’zolari tashrif buyurdi
2024- yilning 30- aprel sanasida TDSHUda “Ma’rifat ulashib” adabiy loyihasiga start berildi va loyihaning birinchi mehmonlari – O‘zbekiston xalq shoiri Sirojiddin Sayyid va O‘zbekiston yozuvchilar uyushmasi a’zolari, iste’dodli shoirlar Yahyoxon Fayoz va Jo‘rabek Jangirov universitetga tashrif buyurdi.
Dastlab, tashrif buyurgan mehmonlar ishtirokida «Yashil makon» dasturi doirasida universitet hovlisiga daraxt ko‘chatlar ekish marosimi bo‘lib o‘tdi.
Undan so‘ng, TDSHU rahbariyati hamda Sirojiddin Sayyid va O‘zbekiston yozuvchilar uyushmasi vakillari o‘rtasida uchrashuv bo‘lib o‘tdi. Uchrashuvda ikki tomonlama hamkorlik masalalari va istiqboldagi rejalar muhokama qilindi.
TDSHU Axborot-resurs markazida tadbirning asosiy qismi bo‘lib otdi. Unda Sirojiddin Sayyid rahbarligidagi O‘zbekiston yozuvchilar uyushmasi vakillari universitet professor-o‘qituvchilari hamda talabalari bilan uchrashib, she’riyat va ma’rifat haqida suhbatlashdilar.
Do‘stona-samimiy muloqot tarzida o’tgan tadbirda talabalar o‘zlarini qiziqtirgan savollariga javob oldilar.
Ma‘lumot o‘rnida, bugungi “Ma’rifat ulashib” adabiy loyihasi doirasidagi tadbirlar TDSHU Talabalar turar joyida davom etdi.
Universiteti professor-o‘qituvchilari hamda talabalari bilan uchrashib, gulxan atrofida she’riyat va ma’rifat haqida suhbatlashdilar
© 2023 Toshkent davlat sharqshunoslik universiteti. Barcha huquqlar himoyalangan.
TDSHU saytidagi ma'lumotlardan foydalanilganda, manbaga havola qilish majburiy.
Ijtimoiy tarmoqlar:
