Xalqaro anjumanda rektor ma’ruzasi. «O’zbekistonda sharqshunoslik: tarixiy imkoniyatlar va vazifalar»
2026-yil 5-may kuni O‘zbekiston Islom sivilizatsiyasi markazida “Islom sivilizatsiyasida ilmiy an’ana: manbalar, imkoniyatlar va dolzarb masalalar” mavzusidagi xalqaro konferensiya doirasida TDSHU rektori Gulchehra Rixsiyeva ma’ruza bilan ishtirok etdi.
Rektor o’z ma’ruzasida O’zbekistonda sharqshunoslik fanining tarixiy ildizlari va bugungi rivojlanish bosqichlari haqida so’z yuritdi. Shuningdek, 1918-yilda Toshkentda Turkiston Sharq institutining tashkil etilishidan tortib, 2020-yilda Toshkent davlat sharqshunoslik universitetining yaratilishigacha bo’lgan tarixiy yo’lni bayon etdi.
Rektor universitetning bugungi kunda 150 dan ortiq xorijiy universitetlar bilan hamkorlik qilayotgani, xalqaro qo’shma ta’lim dasturlari amalga oshirilayotgani hamda sharq qo’lyozmalari raqamlashtirilib, ilmiy tadqiqotlar keng yo’lga qo’yilayotgani haqida ma’lumot berdi. Shuningdek, universitet bitiruvchilari dunyo bo’ylab diplomatiya, fan va madaniyat sohalarida faoliyat yuritayotganini alohida ta’kidladi.
Ma’ruza yakunida Rixsiyeva zamonaviy sharqshunoslikning asosiy maqsadi — Sharq mamlakatlari haqidagi bilimlarni chuqurlashtirish va bu bilimlarni jamiyat taraqqiyotiga xizmat qildirish ekanligini ta’kidlab o’tdi.
Ijtimoiy tarmoqlar:
