Rektor va yosh olimlar uchrashuvi
2026-yil 16-may kuni Toshkent davlat sharqshunoslik universitetida “Yosh olimlar va tadqiqotchilarning taklif va tashabbuslarini qo‘llab-quvvatlash kuni” doirasida universitet rektori hamda yosh olimlar, tadqiqotchilar va iqtidorli talabalar uchrashuvi tashkil etildi.
Uchrashuv davomida yoshlarning ilmiy faoliyatini qo‘llab-quvvatlash, innovatsion g‘oyalarni rivojlantirish hamda ilm-fan sohasidagi zamonaviy imkoniyatlardan samarali foydalanish masalalari muhokama qilindi.
Tadbirda yosh olimlarning ilmiy ishlanmalarini himoya qilish, patentlash jarayonlari, xalqaro ilmiy jurnallarda maqola chop etish talablari, sun’iy intellekt va katta ma’lumotlar (Big Data) asosida ilmiy tahlillar olib borish bo‘yicha taklif va tashabbuslar ilgari surildi.
Shuningdek, rektor, akademiklar va yosh tadqiqotchilar o‘rtasida ochiq muloqot tashkil etilib, ilmiy loyihalarni qo‘llab-quvvatlash, mentorlik tizimini rivojlantirish hamda yoshlarning ilmiy salohiyatini oshirish yuzasidan fikr almashildi.
Mazkur uchrashuv yosh olimlarning tashabbuslarini rag‘batlantirish, ularning ilmiy izlanishlarini qo‘llab-quvvatlash va TDSHUda ilmiy muhitni yanada mustahkamlashga xizmat qildi.
Ijtimoiy tarmoqlar:
