TDSHUga Xitoy xalq Respublikasining O’zbekistondagi elchixonasi vakillarining tashrifi
2022-yil Xitoy va O‘zbekiston mamlakatlari o‘rtasida diplomatik munosabatlar o‘rnatilganligiga 30 yil to‘lishi munosabat bilan, shuningdek, xitoyshunoslik bilan yaqindan tanishish maqsadida XXRning O’zbekistondagi elchixonasi Turizm va madaniyat masalalari bo‘yicha maslahatchisi janob Chi Junlin hamda elchixonaning ikkinchi kotibi Wu Mengying xonim TDSHUga tashrif buyurdi.
Elchixona vakillari tomonidan TDSHUning O‘zbekiston Respublikasida xitoyshunoslikni rivojlantirishdagi yetakchi roli ta’kidlab o‘tildi.
Uchrashuvda xitoyshunoslik sohasida hamkorlikni yanada rivojlantirish yo‘nalishlari muhokama qilindi. Xususan, ikki mamlakat mumtoz adabiyoti tarjimasi sohasida hamkorlikda ish olib borish, ikki davlat universitetlari o‘qituvchilari o‘rtasida almashinuvni davom ettirish, ilmiy tadqiqotlar sohasida hamkorlikni kengaytirish, O‘zbekiston Respublikasi xitoyshunoslarini xalqaro sinologlar markaziga jalb etish kabi takliflar bildirildi.
Ijtimoiy tarmoqlar:
