Ishonch telefoni / Call center
+998 71 233 34 24 / +998 71 233 34 28

  • UZRUEN
  • uzbekistan flag uzbekistan emblem

Toshkent davlat sharqshunoslik universiteti-Xitoy Xalq Respublikasi Gansu provinsiyasi YUNESKO assotsiatsiyasi xitoyshunoslik o‘quv-uslubiy markazi

  Markaz direktori: XASANOVA FERUZA

MIRZABEKOVNA

Qabul vaqti:  
Tel:  
e-mail:  

 

Markaz haqida qisqacha malumot:

Toshkent davlat sharqshunoslik universiteti-Xitoy Xalq Respublikasi Gansu provinsiyasi YUNESKO assotsiatsiyasi xitoyshunoslik o‘quv-uslubiy markazi Oʻzbekiston Respublikasi Prezidentining 2020-yil 16-apreldagi PQ-4680-sonli “Sharqshunoslik sohasida kadrlar tayyorlash tizimini tubdan takomillashtirish va ilmiy salohiyatni oshirish chora-tadbirlari toʻgʻrisida”gi qarori hamda TDSHU Kengashining 2023-yil 30-avgustdagi 1-sonli majlisi qaroriga muvofiq tashkil etilgan.

 

Markaz vazifalari

–         O‘zbekiston Respublikasidagi Xitoy tili darslari tashkil etilgan mavjud ta‘lim muassasalari uchun xitoy tili darsliklari, elektron darsliklar, o‘quv qo‘llanma va  o’quv adabiyotlarini tuzish va nashr etishga ko‘maklasish;

– O‘zbekiston Respublikasidagi Xitoy tili darslari tashkil etilgan mavjud ta‘lim muassasalari uchun xitoy tili darsliklari,  o‘quv qo‘llanma va  o’quv adabiyotlarini yangi uslubiy jihatdan oʻrganish, mazkur yoʻnalishda ilmiy-pedagogik xodimlarni tayyorlash hamda mahalliy va xorijiy hamkorlar bilan birgalikda o‘quv-metodik ishlarini olib borish;

– Xitoy tili darsliklari, elektron darsliklar, o‘quv qo‘llanma va  o’quv adabiyotlari orqali yurtimiz qadriyatlari va milliy madaniy merosimizni dunyo miqyosida targʻib etish;

– Xorijliklar uchun Xitoyda tuzilgan xitoy tili darsliklarini oʻrganish va tahlil qilish;

– XXR Oliy ta‘lim muassasalari bilan hamkorlikda turli darajalarda o‘quv-uslubiy konferensiya, seminar va davra suhbatlari oʻtkazish;

– Xitoy filologiyasi ta‘lim yo‘nalishi va xitoy tili lingvistikasi mutaxassisligi  asosida universitet bakalavrlik va magistrlik oʻquv rejalaridagi xitoy tili, xitoy tili o‘qitish metodikasi, xitoy adabiyoti, tarixi va falsafasi bilan bogʻliq kurslar oʻquv dasturlariga xitoy tili o‘qitish metodikasi yuzasidan tavsiyalar ishlab chiqish;

– seminarlar, davra suhbatlari va xitoy tili o‘qitish metodikasiga bagʻishlangan turli ilmiy anjumanlar tashkil etish orqali oʻqituvchilar, ilmiy tadqiqotchilar malakasini oshirib borish;

– Universitetda davlat ilmiy dasturlari doirasida bajariladigan xitoy tili, madaniyati, xitoy adabiyotini oʻrganishga bagʻishlangan tadqiqot ishlarini monitoring qilish va ijrosini taʼminlash;

– Markaz faoliyati bilan tanishtiruvchi materiallarni hamda soha boʻyicha erishilgan natijalarni respublika va universitet nashrlarida muntazam chop etib borish;

– Markaz ishiga yurtimiz va chet ellarda faoliyat olib borayotgan yetakchi xitoyshunos olimlarni jalb qilish.

– Iqtidorli talabalar, magistrantlar, doktorantlar bilan birgalikda startap, innovatsion loyihalar ishlab chiqish, Oʻzbekiston Respublikasi Oliy ta‘lim muassasalari bilan yaqin hamkorlik oʻrnatish, o ‘quv-uslubiy seminarlar va loyihalar taqdimotlarini oʻtkazish.

Markaz unga yuklatilgan vazifalarga muvofiq quyidagi funksiyalarni amalga oshiradi:

– Universitet ilmiy tadqiqot ishlari hamda markazning ish rejasidan kelib chiqib, tadqiqot ishlarini amalga oshiradi;

– Sharq madaniyati va merosining dolzarb masalalari boʻyicha seminarlar, davra suhbatlari, konferensiyalar tashkil etadi;

– Universitetning va Markazining tasdiqlangan rejasi asosida tadqiqot natijalarini keng jamoatchilikka yetkazish uchun tahliliy maqolalar, tahliliy maʼruzalar tayyorlaydi;

– Xorijiy mutaxassislar bilan hamkorlikda oʻquv kurslarini, oʻquv adabiyotlarini tayyorlashda ishtirok etadi;

– Universitet maqsadi va vazifalariga zid kelmaydigan boshqa tahliliy loyihalarda ishtirok etadi;

– Markaz ishini tashkil etishga universitet professor-oʻqituvchilari, talabalari, tadqiqotchilari, magistrlarini, shuningdek, davlat boshqaruv organlarining xodimlari, tahliliy markazlarning, ilmiy muassasalarning vakillari, xorijiy davlatlarning mutaxassislarini jalb etadi;

– Yozma yodgorliklar, sharq tillari tarixi, adabiyoti, falsafasi, madaniyati boʻyicha amalga oshiriladigan bitiruv malakaviy ishlar, magistrlik va doktorlik dissertatsiyalari va turli ilmiy tadqiqotlar, tahliliy loyihalarni kafedralar bilan hamkorlikda muvofiqlashtiradi;

– Sharq xalqlari madaniyati, tili, adabiyoti, tarixi, falsafasi boʻyicha ilmiy tadqiqotlar oʻtkazishning ilgʻor xorijiy tajribani oʻrganish va tatbiq etish boʻyicha takliflar ishlab chiqadi;

– Sharq xalqlari madaniyati, tili, adabiyoti, tarixi, falsafasiga oid manbalarni chuqur oʻrganishga yoʻnaltirilgan ilmiy tadqiqotlar olib borish hamda yurtimiz qadriyatlari va milliy madaniy merosimizni dunyo miqyosida targʻib etadi;

– Sharq madaniyati va merosining turli yoʻnalishlari boʻyicha materiallar tayyorlaydi.

Markaz nizomi

08.01.2024, 15:02 341