“HAR KUNING O‘LSUN NAVRO‘Z” mavzuidagi bayram sayli va talabalar festivali o’tkazildi
Navro‘z –xalqimizga xos ezgu qadriyatlarni o‘zida mujassam etgan, eng sevimli bayramimizdir. Shu bois uni ilhaqlik bilan kutamiz, katta quvonch hamda xursanchilikda nishonlaymiz. Bebaho qadriyatlarimizni o‘zida uyg‘unlashtirgan, on-u shuurimizga ezgulik, yangilanish ayyomi sifatida muhrlangan Navro‘z shukuhi bugun Toshkent davlat sharqahunoslik universitetida ham kezmoqda.“HAR KUNING O‘LSUN NAVRO‘Z” mavzusidagi bayram sayli va talabalar festivali munosabati bilan fusunkor tabiat bag‘rida,bahor taomlari tortilgan dasturxon atrofida to‘plangan TDSHUning barcha fakultetlari, kafedralari professor-o’qituvchilari va talabalari ishtirokidagi fayzli navro’z sayli universitet rektori G.SH.Rixsiyeva tomonidan ochib berildi. So‘ngra, universitetning barcha fakultetlari tomonidan tayyorlangan jonli ijrodagi kuy-qo’shiqlar, raqslar, qiziqarli viktorinalar hamda sport musobaqalari o‘tkazildi. Qolaversa, universitetning barcha fakultetlari kesimida Navro‘z dasturxoni bezatilgan bo‘lib ushbu bayram dasturxoni tadbirning hay’at a’zolari tomonidan baholandi.
Yana bir e’tiborli jihati pandemiya sharoitida karantin qoidalariga rioya etgan holda tashkil etilgan Navro‘z tadbirlari universitetimizning xorijdan kelgan professor-o‘qituvchilarida, OAV muhbirlarida o‘zgacha taasurot uyg‘otmoqda. Bu haqida gazeta va jurnallarda, ijtimoiy tarmoqlarda yoritilayotgan maqolalar misolida ko‘rishimiz mumkin.
Ijtimoiy tarmoqlar:
