Leiden universiteti dr.P.A.Webb bilan uchrashuv
26 va 27-mart kunlari Niderlandiya qirolligi Leiden universiteti dr.P.A.Webb «Al-Jahiliyya in thought of arabs» (arab tafakkurida al-johiliyya masalasi)ga bag’ishlangan ma’ruza o’qib berdi. Ma’ruzada arab tili, adabiyoti va tarixi bo’yicha mutaxassis professor-o’qituvchilar, doktorantlar, magistratura va bakalavr yo’nalishlari talabalari qatnashdi va qizg’in savol va javoblarda ishtirok etishdi. Xususan, ma’ruzada al-johiliyya so’zining etimologiyasi, ilohiy kitoblardagi ma’nolari qiyosiy tadqiqi, ishlatilish evolyutsiyasi masalalari ko’rib chiqildi. Professorlardan R.Xodjayeva, Sh.Shomusarov tadqiqotchilardan M.S.Kalandarovlar savollar berishdi. M.Kalandarovning arab johiliya davriga oid «futuvvah» axloqiy tamoyilining mazmunan va ma’nan o’zgarishi, yondosh makorim ul-axloq tushunchalariga izoh bera turib su’luk, ‘ayyor, javonmardlik tushunchalari bilan hamohanglik kasb etganligi haqida qimmatli ma’lumotlar bilan o’rtoqlashdi.
Ijtimoiy tarmoqlar:
