Alisher Navoiy va Zahiriddin Muhammad Bobur tavalludini keng nishonlash maqsadida adabiy kecha o‘tkazildi
2019-yilning 15-fevral kuni Toshkent davlat sharqshunoslik institutida g‘azal mulkining sultoni Alisher Navoiy tavalludining 578 yilligi hamda shoh va shoir Zahiriddin Muhammad Bobur tavalludining 536 yilligini nishonlash maqsadida adabiy kecha o‘tkazildi. Sharq filologiyasi fakulteti Xorijiy sharq mamlakatlari adabiyoti kafedrasi tomonidan tashkil etilgan tadbirda institut rahbariyati, professor-o‘qituvchilari va talabalari ishtirok etishdi.
Tadbir davomida Alisher Navoiy va Zahiriddin Muhammad Boburning ilmiy, ijodiy, ma’naviy merosi yod etildi, ushbu ikki siymoning jahon tamadduni, o’zbek she’riyati va adabiyotiga qo’shgan hissasi, millatlar va elatlar o’rtasida do’stlik munosabatlarini mustahkamlash yo’lida qilgan beqiyos xizmatlari yana bir e’tirof etildi.
Tadbir davomida institut talabalari tomonidan sharq tillarida turli sahna chiqishlari, qo’shiqlar taqdim etildi, she’ va g’azallar xirgoyi qilindi. Shuningdek, sharq mamlakatlari adabiyoti bisotidan lavhalar ko’rsatilib, go’zal raqslar namoyish etildi. Ayniqsa, Abdulla Qahhroning «Anor» hikoyasining koreys tilidagi namoyishi hamda Cho’lpon qalamiga mansub «Xalq» she’rining 10 ga yaqin sharq tillarida aytilgani tadbir ishtirokchilarida katta taassurot qoldirdi.
Ijtimoiy tarmoqlar:
