Lola Abduvahidovna Saidova bilan «Gender tengligi – inson huquqlarining ajralmas qismi sifatida» mavzusida uchrashuv bo‘lib o‘tdi.
“Xotin-qizlar va erkaklar uchun teng huquq hamda imkoniyatlar kafolatlari toʼgʼrisida”gi qonunda ayollarni jinsi boʼyicha bevosita va bilvosita kamsitishni taqiqlanishiga alohida urgʼu berildi. Mazkur qonun davlatimiz rahbarining 2019-yil 7-martdagi “Xotin-qizlarning mehnat huquqlari kafolatlarini yanada kuchaytirish va tadbirkorlik faoliyatini qoʼllab-quvvatlashga oid chora-tadbirlar toʼgʼrisida”gi qaroriga muvofiq ishlab chiqildi.
Ushbu qonunning maqsadi xotin-qizlarni turmushda, ish joylarida, taʼlim muassasalarida hamda boshqa joylarda tazyiqlar va zoʼravonlikning barcha shakllaridan himoya qilishga qaratilgan. Ushbu sohadagi munosabatlarni tartibga solish, shuningdek, tazyiqlar va zoʼravonlikdan jabrlanganlarni huquqiy hamda ijtimoiy himoya qilish kafolatlarini taʼminlash ham qonunning muhim maqsadlaridan biri hisoblanadi. Ushbu tushinchalarni yoshlarga keng yetqazish maqsadida joriy yilning 20-aprel kuni TDSHUda xalqaro huquqshunos, Adliya vazirligi huzuridagi yuristlar malakasini oshirish markazi professori Lola Abduvahidovna Saidova bilan «Gender tengligi – inson huquqlarining ajralmas qismi sifatida» mavzusidagi uchrashuv bo‘lib o‘tdi.
Universitet rektori G.SH. Rixsiyeva tomonidan kirish so’zi bilan ochib berilgan mazkur uchrashuvda Lola Abduvahidovna tomonidan mavzuga oid ko’plab ma’lumotlar berildi. Universitet talabalari mutaxassisga o’zlarini qiziqtirgan savollari bilan murojaat etib keraklicha javoblarni oldilar.
Ijtimoiy tarmoqlar:
