Sharq filologiyasi fakultetida ilmiy ma’ruzalar tanlovi tashkil etildi
2019-yilning 22-yanvar kuni Toshkent davlat sharqshunoslik instituti Sharq filologiyasi fakultetida ilmiy ma’ruzalar tanlovi tashkil etildi. «Tilshunoslikda ilk qadamlar» talabalar ilmiy uyushmasi tomonidan tashkil etilgan tadbirda institut professor-o’qituvchilari hamda iqtidorli talabalari ishtirok etishdi.
Ilmiy ma’ruzalar tanlovida Sharq filologiyasi fakultetining bakalavriat va magistratura bosqichida tahsil olayotgan 10 dan ortiq talabalari o’z ma’ruzalari bilan ishtirok etishdi. Sharq mamlakatlari adabiyoti, tilshunosligi, adabiy manbashunosligi, tarjimashunosligi masalalariga bag’ishlagan ma’ruzalar tadbir ishtirokchilarida katta taassurot qoldirdi.
Tadbir so’nggida barcha ishtirokchilar ochiq ma’ruzalar tanlovida faol ishtiroki uchun fakultet dekanining faxriy yorliqlari bilan taqdirlandi.
Ijtimoiy tarmoqlar:
