Taniqli tadbirkor Murod Nazarov bilan uchrashuv
Joriy yilning 11-may kuni Toshkent davlat sharqshunoslik institutida taniqli biznesmen, “Murad Buildings” kompaniyasi asoschisi Murod Nazarov bilan institut professor-o‘qituvchilari va talaba-yoshlari o‘rtasida eksklyuziv uchrashuv tashkil qilindi.
Uchrashuv davomida Murod Nazarov o‘zining hayot yo‘li, biznesga kirib kelishi, erishgan ulkan muvaffaqiyatlari, mashaqqatlarni yengib o‘tish usullari haqida yig‘ilganlarga so‘zlab berdi. O‘zining ish faoliyati, «Murad Building” qurilish kompaniyasining barpo etilish tarixi, bugungi kunda bajarilayotgan ishlari haqida so‘z yuritdi. Misol tariqasida Toshkent shahrida “Tashkent city” doirasida O‘zbekistondagi eng katta bino qurilishi vazifasi unga ishonib topshirilganligi haqida gapirib berdi.
Biznesda va umuman olganda barcha sohalarda muvaffaqiyatga erishish yo‘llari haqida hayotiy misollarga asoslangan ma’lumotlar berib o‘tdi.
“Mahorat darsi” sifatida tashkil qilingan uchrashuv talabalarda katta qiziqish uyg‘otdi. Talabalar o‘zlarini qiziqtirgan savollar bilan murojaat qildilar va Murod Nazarov tomonidan qiziqarli, mazmunli javoblar oldilar.
Ma’naviyat va ma’rifat bo‘limi
Ijtimoiy tarmoqlar:
