TDSHI va AICHI Prefekturasi universiteti o‘rtasida kelishuv memorandumi imzolandi
Joriy yilning 8-9 iyul kunlari Toshkent davlat iqtisodiyot universitetida bo‘lib o‘tgan “Globalizatsiya davrida yosh iqtidorlarni tarbiyalash va tadqiqotlarni rivojlantirishga ko‘maklashish mavzusidagi O‘zbekiston-Yaponiya tajriba almashinuvi” mavzusida III O‘zbekiston-Yaponiya rektorlari xalqaro konferensiyasi bo‘lib o‘tdi. Anjumanga Yaponiyaning Ta’lim, madaniyat, sport, fan va texnologiyalar vazirligi, Nagoya, Tsukuba, Aichi, Mie, Vakayama, Kogakuen, Soka, Tokan, Kiat chet tillar universitetidan 45 nafardan ziyod delagatsiya tashrif buyurdi. Ushbu anjumanda Toshkent davlat sharqshunoslik institutining 6 nafardan iborat delagatsiyasi ham ishtirok etdi.
Mazkur anjumanni o‘tkazishdan maqsad ikki mamlakat o‘rtasidagi do‘stona aloqalarni mustahkamlab, ilm-fan sohalarida ham hamkorliklarning ko‘lamini kengaytirish orqali o‘zaro tajriba almashish, qolaversa, jahon talablariga mos yetuk kadrlar yetishtirish borasida keng qamrovli kelishuvlarga erishishdan iborat.
Anjuman doirasida Toshkent davlat sharqshunoslik instituti va Yaponiyaning AICHI Prefekturasi universiteti o‘rtasida kelishuv memorandumi imzolandi.
Memorandum 5 yil muddatga tuzilgan bo‘lib, unda ikki tomonlama tadqiqot loyihalari va faoliyati, bakalavriat va magistratura talabalarning o‘zaro alshinuvi, nashr etilayotgan ilmiy adabiyotlar almashinuvi bo‘yicha hamkorliklar o‘z aksini topgan.
Ijtimoiy tarmoqlar:
