TDSHU delegatsiyasi Xitoyning Janubiy-Sharqiy universitetida ilmiy hamkorlik masalalarini muhokama qildi
Xitoyning Janubiy-Sharqiy universitetida bo‘lib turgan Toshkent davlat sharqshunoslik universiteti Ilmiy ishlar va innovatsiyalar bo‘yicha prorektori Durbek Sayfullayev hamda “Iqtisodiyot va menejment” kafedrasi dotsenti Qahramon Haqberdiyev universitetning Madaniy meros (Arxitektura) ilmiy-tadqiqot instituti rahbariyati bilan uchrashdi.
Uchrashuv davomida TDSHU huzuridagi Sharq madaniyati va merosini tadqiq etish ilmiy-tadqiqot markazi hamda Madaniy meros (Arxitektura) ilmiy-tadqiqot instituti o‘rtasida qo‘shma ilmiy tadqiqotlar olib borish, ilmiy loyihalarni amalga oshirish, professor-o‘qituvchilar almashinuvini yo‘lga qo‘yish hamda istiqboldagi hamkorlik yo‘nalishlari yuzasidan fikr almashildi.
Tomonlar mazkur hamkorlik ilmiy salohiyatni oshirish, tajriba almashish va madaniy merosni o‘rganish sohasidagi qo‘shma tashabbuslarni rivojlantirishga xizmat qilishini ta’kidladilar.
Ijtimoiy tarmoqlar:
