TDSHUda “Navoiy va Bobur merosi: jahon tarixi va madaniyati ko‘zgusida” nomli ilmiy-ma’rifiy tadbir bo‘lib o’tdi
2025-yil 18-fevral kuni Toshkent davlat sharqshunoslik universitetida buyuk allomalar Alisher Navoiy va Zahiriddin Muhammad Bobur tavalludiga bag‘ishlangan “Navoiy va Bobur merosi: jahon tarixi va madaniyati ko‘zgusida” nomli ilmiy-ma’rifiy tadbir bo‘lib o‘tdi.
Tadbirni TDSHU rektori, professor Gulchehra Rixsiyeva ochib berdi. Shuningdek, anjumanda Bobur xalqaro jamg‘armasi raisi Zikirjon Mashrabov, Respublika Ma’naviyat va ma’rifat markazi huzuridagi ijtimoiy-ma’naviy tadqiqotlar instituti direktori Olimjon Davlatov, Temuriylar tarixi muzeyi direktori Xurshid Fayziyev, O‘zbekiston Yozuvchilar uyushmasi a’zosi, t.f.d., professor Abdumajid Madraimov, Temuriylar tarixi muzeyi ilmiy xodimi, TDSHU doktoranti Botirali Yo‘ldoshev va boshqa yetuk olimlar ishtirok etdi.
Ilmiy-ma’rifiy tadbir davomida Navoiy va Bobur ijodining jahon madaniyati va tarixidagi o‘rni, ularning boy merosini ilmiy nuqtai nazardan o‘rganish, asarlarini zamonaviy kontekstda tadqiq qilish masalalari muhokama qilindi. Tadbir doirasida “Yo‘lbars izidan” filmi taqdimoti ham bo‘lib o‘tdi.
Ijtimoiy tarmoqlar:
