TDSHUda “Rektor va yoshlar muloqoti” doirasida Turizm yo‘nalishi talabalari bilan uchrashuv bo‘lib o‘tdi
Toshkent davlat sharqshunoslik universitetida “Rektor va yoshlar muloqoti” doirasida Turizm yo‘nalishi talabalari bilan uchrashuv bo‘lib o‘tdi. Muloqot davomida talabalar bilan ochiq suhbat tashkil etilib, ularning taklif va tashabbuslari tinglandi. Xususan, bugungi uchrashuvda bitiruvchilar bandligini ta’minlash, yoshlarni qo‘llab-quvvatlash hamda ularning kelgusidagi faoliyatiga ko‘maklashish masalalari muhokama qilindi.
Shuningdek, Oʻzbekiston Respublikasi Prezidentining “Respublikaning turizm salohiyatini jadal rivojlantirish, turistlar sonini yanada oshirishga doir qoʻshimcha chora-tadbirlar toʻgʻrisida”gi qaroriga muvofiq universitetga biriktirilgan tumanlarning turistik salohiyatini oʻrganish va keng targʻib qilish boʻyicha tuzilgan ishchi guruh faoliyatida faollik ko‘rsatgan bir guruh talabalar Tashakkurnoma bilan taqdirlandi.
Tadbir davomida siyosatshunos Qudratilla Rafiqov muallifligidagi “Millat shavkati” nomli maqolaning mazmun-mohiyati ham muhokama qilinib, unda ilgari surilgan g‘oyalarning Yangi O‘zbekiston taraqqiyotidagi ahamiyati haqida fikr almashildi.
Ijtimoiy tarmoqlar:
