TDSHUda XXRda stajirovka o‘tash uchun tanlov o’tkazildi
2025-yil 15-17 yanvar kunlari TDSHUda XXR oliy ta’lim muassasalarida bir yillik stajirovka o‘tashga munosib nomzodlarni tavsiya etish maqsadida uch bosqichdan iborat tanlov o’tkazildi.
Tanlovning I bosqichida xitoy tilidan 50 ta test uchun 50 ball, belgilangan mavzuda insho yozish uchun 10 ball, II bosqichda og‘zaki imtihon uchun 20 ball belgilandi. Test, insho va og‘zaki imtihon natijalarida 56% (44 ball)dan ortiq ball to‘plagan ishtirokchilar III bosqichda ishtirok etish huquqiga ega bo‘ldi.
XXR oliy ta’lim muassasalarida bir yillik stajirovka granti uchun tanlovlarga jami 118 nafar talaba tavsiya etildi. I va II bosqich natijalariga ko‘ra, 44 balldan yuqori natija to‘plagan 45 nafar talaba III bosqichga tavsiya etildi.
III bosqich natijalariga ko‘ra, 20 nafar talaba XXR oliy ta’lim muassasalarida bir yillik stajirovka o‘tash uchun grant sohibi bo‘ldilar.
G‘oliblarni tabriklaymiz!
ГРАНТ ТАНЛОВИ ГОЛИБЛАРИ
Ijtimoiy tarmoqlar:
