TDSHUda «Yoshlar akademiyasi» forumi doirasida ma’ruza va mahorat darslari bo’lib o’tdi.
Joriy yilning 20-oktabr kuni TDSHUda «Yoshlar akademiyasi» forumi bo’lib o’tdi. Forumda yetakchi olimlar, mahoratli mentorlarning maʼruza va mahorat darslari tashkil qilindi.
Forumning birinchi qismida yosh olimlar va tadqiqotchilar uchun TDSHU va Janubiy Koreya Yeungnam universiteti bitiruvchisi, Yeungnam universitetida ko‘p yillar dars bergan, 17 Hirsch indexga ega, 30 ga yaqin Scopus jurnallarida maqola nashr qilgan Markaziy Osiyo universiteti (Central Asian University) professori Alisher Dedahanovning “Ijtimoiy sohalarda tadqiqot olib borish uslublari” mavzusidagi ma’ruzasi boʻldi. Ma’ruza ingliz va o‘zbek tillarida, amaliy mashg‘ulot sifatida bo‘lib o‘tdi.
«Yoshlar akademiyasi» Forumining ikkinchi qismida talabalar uchun startap loyihalariga qaratilgan mahorat darslari tashkil qilindi.
Bunda dastlab TDSHU va Yaponiyaning Vaseda universiteti bitiruvchisi, Germaniya xalqaro hamkorlik jamiyatining (GIZ) “Yashil sanoatlashtirish” loyihasi kengashi eksperti Juraxo‘jaev Bobur talabalar uchun “Barqaror rivojlanish uchun startaplar” mavzusida ma’ruza qildi.
Forum davomida U-ENTER Innovatsion markazi treniri Ilhom Aliyev «U-enter – Koica hamkorligida tashkil etilgan inkubatsiya-akselyaratsiya faoliyati» haqida hamda startaplarni shakllantirish bilan bog‘liq ma’lumotlar berdi.
Forum so’ngida Accelerator CAT 4.0 g‘olibi, Yoshlar akademiyasi a’zosi, Kamoliddin Kushbakov “Startap loyihani amalga oshirishning asosiy sirlari” mavzusida seminar-trening oʻtib berdi.
Ijtimoiy tarmoqlar:
