TDSHUning hamkorlaridan bo‘lgan Koreya fondi 2021-2022 o‘quv yili uchun xalqaro grantlar tanlovini e’lon qildi
Koreya fondi tomonidan Toshkent davlat sharqshunoslik universiteti Koreyashunoslik fakultetida tahsil olayotgan doktorant va magistrant talabalari uchun xalqaro grantlar tanlovi e’lon qilindi.
Tanlovda ishtirok etish shartlari:
1) Koreyashunoslik fakultetida tahsil olayotgan, koreyashunoslik bo‘yicha ilmiy tadqiqot olib borayotgan;
2) koreys yoki ingliz tillarini mukammal egallagan;
3) bakalavr diplomi ilovasidagi umumiy ballar yig‘indisi 80 balldan yuqori bo‘lgan doktorant va magistrantlar.
Talabgorlar fakultet hamda hamkor fond tomonidan taklif etilgan professor-o‘qituvchilardan iborat maxsus tuzilgan hay’at a’zolari suhbatidan o‘tadilar. Suhbat 11-oktyabr kuni soat 10:00 da Toshkent davlat sharqshunoslik universiteti Oybek binosining 3-qavatida joylashgan 320-xonada bo‘lib o‘tadi.
Tanlovda ishtirok etishni xohlaganlar 2021-yilning 9-oktyabrigacha Toshkent davlat sharqshunoslik universiteti Koreyashunoslik fakulteti dekanatiga murojaat qilishlari mumkin.
Manzil: Toshkent shahri, Shahrisabz ko‘chasi, 16.
Toshkent davlat sharqshunoslik universiteti
Koreyashunoslik fakulteti, 3-qavat, 320-xona.
ESLATMA: Talabgorlar Koreya tarixi, madaniyati, san’ati, iqtisodi va siyosati, til va adabiyotiga doir chop ettirilgan ilmiy maqolalari bo‘lsa, taqdim etishi maqsadga muvofiq.
TDSHU Matbuot xizmati
Ijtimoiy tarmoqlar:
