ToshDSHIga Turkiya Respublikasining Xorijlik turklar va qavm jamiyatlar idorasi raisi A.Eren boshchiligidagi delegatsiya a’zolari tashrifi
12-noyabr kuni ToshDSHIga Turkiya Respublikasining Xorijlik turklar va qavm jamiyatlar idorasi raisi A.Eren boshchiligidagi delegatsiya a’zolari tashrif buyurdi. Tashrif doirasida delegatsiya a’zolari faoliyati, bugungi kunda o’zaro hamkorlikni yanada kengaytirish maqsadida Turkiya Respublikasi ajratayotgan ta’lim grantlari to’g’risida ma’lumotlar berib o’tildi. Shu o’rinda, ToshDSHI rektori G.Rixsiyeva tomonidan bugungi kunda institutda turkologiya sohasining rivoji, Turkiya Respublikasi OTM bilan o’rnatilgan o’zaro hamkorlik aloqalari haqida ma’lumot berildi. Uchrashuv chog’ida Xorijlik turklar va qavm jamiyatlar idorasi raisi O’zbekiston Respublikasida turk tilini o’rganayotgan hamda tadqiqotlar olib borishni istaganlar uchun grantlar tashkil etish, ularning sonini oshirish istagi mavjud ekanligini bildirdi. Uchrashuv yakunida har ikki tomon o’z minnatdorchiligini bildirib, kelajakda hamkorlik aloqalarini rivojlantirishga umid bildirishdi.
Ijtimoiy tarmoqlar:
