YAPON FILOLOGIYASI KAFEDRASI
 |
Xalmurzayeva Nadira Tashmurzayevna | |
| Ilmiy darajasi va unvoni: | PhD, dotsent | |
| Lavozimi: | Kafedra mudiri | |
| Qabul vaqtlari: | Har kuni (11:00-12:00) | |
| Tel.: | +99894 6965038 | |
| E-mail: | nodira_khalmurzayeva@tsuos.uz | |
YAPON FILOLOGIYASI KAFEDRASI
Yapon filologiyasi kafedrasi 1992 yilda tashkil etilgan. U nafaqat O‘zbekistonda, balki butun O‘rta Osiyoda yapon tilini o‘qitish bo‘yicha ochilgan birinchi o‘quv maskani hisoblanadi. O‘tgan yillar davomida yaponshunoslik bo‘yicha, qariyb, 2000 dan ortiq kadrlar tayyorlandi. Hozirda ushbu bitiruvchilarimiz yurtimizning Yaponiya bilan bog‘liq barcha jabhalarida faoliyat olib bormoqdalar.
Ko‘p yillar mobaynida O‘zbekistonda Toshkent davlat sharqshunoslik universiteti kunchiqar mamlakat – Yaponiya bilan ikki tomonlama munosabatlarni mustahkamlash, xususan, yapon tilini o‘qitish masalalarini rivojlantirishga beqiyos hissa qo‘shib kelmoqda.
TDSHU O‘zbekiston va Yaponiya oliy o‘quv yurtlari professor- o‘qituvchilari ishtirokida turli xalqaro konferensiyalar tashkil etish tashabbusini ilgari surib, mamlakatlarimiz talaba, professor-o‘qituvchilari o‘rtasida axborot, ta’lim va tajriba almashish jarayonini rivojlantirishga harakat qilib kelmoqdalar.
Kafedrada CEFR chet tillarni bilish darajalari bo‘yicha B2 darajasiga ega bakalavr va C1 darajasiga ega magistr yaponshunos sharqshunoslar tayyorlanadi.
Kafedraning ilmiy faoliyati
Kafedraning ilmiy faoliyati quyidagi yo‘nalishlarni o‘z ichiga oladi:
- Sharq lug‘atchilik nazariyasi va amaliyoti: tarixiy davrlari, lug‘at tuzish prinsiplari va hozirgi zamon lug‘atlari;
- Yapon tili terminologiya tizimi: tarixiy jarayonlar, hozirgi zamon ilmiy-texnik terminlarning shakllanish va rivojlanish muammolari;
- Yaponiyada hozirgi zamon til vaziyati: adabiy til va laxjalar; til uslublari; globalizm va o‘zaro ta’sir masalalari;
- Yapon tili semantikasi va semasiologiyasi masalalari;
- Yapon va o‘zbek tillarini qiyosiy tahlil qilish masalalari;
- Ilmiy va badiiy matnlar tarjimasida nazariy va amaliy muammolarni o‘rganish;
- Yapon tilining grammatik, sotsiolingvistik, lingovokulturologik, pragmalingvistik, kognitiv va kommunikativ aspektlarini o‘rganish.
- Madaniyatlararo muloqot masalalarini o ‘rganish
-
Kafedraning hamkor tashkilotlari
Kafedrada xalqaro hamkorlik aloqalari Yaponiyaning 12 ta nufuzli universitetlari bilan o‘rnatilgan:
- Tokio chet tillar universiteti;
- Xosey universiteti;
- Sukuba universiteti;
- Kioto universiteti;
- Sofiya universiteti;
- Vaseda universiteti;
- Fukuoka ilmiy tadqiqot madaniyat markazi;
- Osaka iqtisod va huquq universiteti;
- Aichi Kenresu universiteti;
- Kansay universiteti;
- Vakayama universiteti;
- Toyo universiteti.
Kafedraning faoliyati bo‘yicha fotolavhalar
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
