TDSHUda “Oʻzbekiston va Hindiston adabiyotida ayollar” mavzusida davra suhbati boʻlib oʻtdi
2026-yil 11-aprel kuni TDShU Janubiy Osiyo tillari va adabiyoti oliy maktabiga Hindiston Tashqi ishlar vazirligining (Janubiy hududlar bo‘yicha) kotibi Dr. Neena Malhotra va Hindistonning O‘zbekistondagi favqulodda va muxtor elchisi Smita Pant xonim tashrif buyurishdi va oliy maktab professor-oʻqituvchilari hamda talabalari bilan “Oʻzbekiston va Hindiston adabiyotida ayollar” mavzusida davra suhbati boʻlib oʻtdi.
Davra suhbatida Hindistonning Oʻzbekistondagi favqulodda va muxtor elchisi Smita Pant xonim va Hindiston Tashqi ishlar vazirligining (Janubiy hududlar bo‘yicha) kotibi Dr. Neena Malhotra xonim oʻz maʼruzalarida Hindiston va Oʻzbekistonda ayollarning jamiyatdagi oʻrni hamda ilm-fan rivojiga qoʻshayotgan beqiyos hissalari xususida alohida toʻxtalib oʻtdilar. Jumladan, universitetimizda hindshunoslikni yanada rivojlantirish yoʻlida qilinayotgan sayʼ-harakatlar uchun universitetimiz rektori professor G.Sh. Rixsiyevaga alohida minnatdorchilik bildirib, kelgusidagi rejalar haqida oʻz takliflarini aytib oʻtdilar.
Shuningdek, mazkur suhbat davomida Janubiy Osiyo tillari va adabiyoti oliy maktabi professori U.U. Muhibova “Oʻzbekiston va Hindiston ayol adibalari” mavzusida maʼruza qilib, oʻzbek va hind shoiralari Zulfiyaxonim ham Amrita Pritam doʻstligi, ularning tarjima asarlari xususida fikr bildirib, kelgusida amalga oshirishi rejalashtirilayotgan badiiy tarjima asarlar va ularning nashr ishlari yuzasidan oʻz takliflarini aytib oʻtdi.
Oliy maktabda tamil adabiyoti boʻyicha qilinayotgan tadqiqotlari yuzasida katta oʻqituvchi M.M. Murtozaxoʻjayeva “Pavlayi”romanida ayol obrazi” mavzusida, shuningdek, TDShU, 3-kurs doktoranti Sh. Tilovmurodova “Nirmal Varma ijodida musofir obrazi” mavzusida maʼruza qilishdi hamda kelgusida hind adabiyoti va tilshunosligi boʻyicha qilinadigan ilmiy tadqiqotlarni rivojlantirish xususida oʻz takliflarini berib oʻtishdi.
Bundan tashqari, davra suhbati davomida oliy maktabning Hindistonda taʼlim olib qaytgan, Yoshlar forumlarida qatnashgan faol bakalavr, magistratura talabalari ham hindiy tilida oʻz taassurot va tajribalari bilan boʻlishishdi. Mehmonlarimiz talabalarimizning faolligi hamda hindiy tilidagi bilimlaridan mamnun boʻlib, hindshunoslikni rivojlantirish yoʻlida oʻzaro hamkorlikka doim tayyor ekanliklarini aytib oʻtishdi.
Ijtimoiy tarmoqlar:
