TDSHUda “O‘ZBEKISTON TURKSHUNOSLARINING I FORUMI” bo’lib o’tdi
2024-yilning 27- aprel kuni Toshkent davlat sharqshunoslik universitetida “O‘zbekiston turkshunoslarining I- forumi” bo‘lib o‘tdi.
Forumda Turkiya, Ozarbayjon, Qirg‘iziston davlatlaridan turkshunoslar olimlar jamlanib, o‘z ma’ruzalari bilan ishtirok etdilar.
Tadbirda, shuningdek, davlat arboblari, taniqli shoir va yozuvchilar, soha mutaxassislari qatnashdilar.
Bu yilgi Forumga 80 dan ortiq maqolalar kelib tushdi. Ular ichidan 45 ta maqola komissiya tomonidan saralanib, to‘plam holida chop etildi. Respublika miqyosida Ilk “O‘zbekiston turkshunoslarining I forumi” tashkil etilgan bo‘lsada, dunyoning ko‘plab mamlakatlaridan olimlar va tadqiqotchilarning qiziqishlari yuqori bo‘ldi. universitetida “O‘zbekiston turkshunoslarining I forumi” “Tilshunoslik masalalari” va “Turkiy adabiyotshunoslik, tarjimashunoslik va metodika masalalari” deb nomlangan sho‘balarga bo‘lingan holda, o‘z ishini davom ettirdi.
Forumda ma’ruza qilingan mavzular Turkiyshunoslikining tilshunoslik, adabiyotshunoslik, Turkiy tillar tarixini tadqiq etishning dolzrarb masalalari, Turk va o‘zbek, o‘zbek va turk tillariga tarjima, Turk tili va adabiyoti fanini o‘qitish masalalari, Turkshunoslarning yangi avlodini tarbiyalash jarayonidagi muammo va yechimlar kabi turli masalalarni o‘z ichiga qamraydi. Forum yangi nazariy qarashlar bilan to‘yingan ilmiy ma’ruzalar va qizg‘in bahs-munozalarga boy bo‘ldi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
